မင်္ဂလာပါ ... ကြွရောက်လာကြသော မိတ်သင်္ဂဟအပေါင်းတို့ကို "မြန်မာအလုပ်သမားများကွန်ယက်" ဆိုဒ်မှ နွေးထွေးစွာဖြင့် ကြိုဆိုပါတယ်ခင်ဗျာ....

နှောင်ကြိုးများကြားမှ ရွှေ့ပြောင်းအလုပ်သမားများ

ဒီကိစ္စအတွက်တော့ မေးစရာမလိုပါဘူး။ ထိုင်းနိုင်ငံအနေနဲ့ လက်ရှိအခြေအနေမှာ လူဦးရေ သုံးသန်းလောက် ရှိနေပြီဖြစ်တဲ့ တရားမဝင် ရွှေ့ပြောင်းအလုပ်သမားတွေရဲ့ ကိစ္စကို ဖြေရှင်းဖို့ လိုနေပါပြီ။ ပြဿနာက ဘယ်လိုနည်းနဲ့ အကောင်းဆုံး ဖြေရှင်း ပေးရမလဲ ဆိုတာပါဘဲ။

နှစ်စဉ် အလုပ်သမားမှတ်ပုံတင်တဲ့ ကိစ္စတွေဟာလည်း ရှုပ်ထွေးလှတဲ့ စည်းကမ်းသတ်မှတ်ချက်တွေရယ်၊ အကုန်အကျများ တဲ့အတွက်ကြောင့်ရယ်၊ အလုပ်သမား မှတ်ပုံတင်လုပ်ပြီးတဲ့တိုင် ကျန်းမာရေးနဲ့ လူမှုရေးဆိုင်ရာ အခွင့်အရေးတွေကို ထိုင်း အလုပ်သမားတွေနည်းတူ အလိုအလျောက် ခံစားခွင့်မရတာတွေရယ်ကြောင့် အောင်မြင်မှု သိပ်မရှိလှပါဘူး။

အခုလို မအောင်မြင်တဲ့ အနေအထားတွေကြောင့် ထိုင်းအစိုးရအနေနဲ့ ရွှေ့ပြောင်းအလုပ်သမားတွေကို သက်ဆိုင်ရာ မိခင်နိုင်ငံကိုပြန်ပြီး နိုင်ငံသားစီစစ်မှုတွေ လုပ်ဖို့လိုအပ်လာပါတယ်။ ဒါမှသာ ရွှေ့ပြောင်းအလုပ်သမားတွေအနေနဲ့ နိုင်ငံကူး လက်မှတ်နှင့်အတူ ထိုင်းနိုင်ငံထဲကို တရားဝင် ပြန်ဝင်လာပြီး အလုပ် ဆက်လုပ်နိုင်မှာဖြစ်ပါတယ်။ နှစ်စဉ် အလုပ်သမား မှတ်ပုံတင်တွေ လုပ်သလိုပါဘဲ ဒီနိုင်ငံသား စီစစ်ရေးစနစ်ဟာလည်း ကျဆုံးမှုနဲ့ ရင်ဆိုင်ခဲ့ရပါတယ်။ ဒါဟာ ဘာကြောင့်လဲဆိုတော့ လုပ်ပုံ ကိုင်ပုံ နည်းစနစ်တွေ ရှုပ်ထွေးပြီး အခွင့်အလမ်း နည်းနည်းလေးရတာ တခုထဲကြောင့် မဟုတ်ပါဘူး။ သာမန်ရွှေ့ပြောင်းအလုပ်သမား အများစုအဖို့ ဒါဟာ သိပ်အန္တရာယ်ကြီးလို့လည်း ဖြစ်ပါတယ်။ ထိုင်းနိုင်ငံမှာ တရားမဝင်ရောက်နေတဲ့ ရွှေ့ပြောင်းအလုပ်သမား အများစုဟာ မြန်မာနိုင်ငံကဖြစ်ပြီး ဒီမြန်မာနိုင်ငံက ရွှေ့ပြောင်း အလုပ်သမားတွေဆိုတဲ့ နေရာမှာလည်း အများစုဟာ တိုင်းရင်းသား လူမျိုးတွေဖြစ်ကြပြီး မြန်မာစစ်အစိုးရရဲ့ ဖိနှိပ်မှု အမျိုးမျိုးကြောင့် ထွက်လာရသူတွေဖြစ်ပါတယ်။ ဥပမာအားဖြင့် မွန်၊ ကရင်၊ ရိုဟင်ဂျာ အစရှိသည်ဖြင့်ပေါ့လေ။

အခုလို သူတို့ကို နိုင်ငံသားစီစစ်မှုတွေ လုပ်ခိုင်းတာဟာ သူတို့ရဲ့ ဘဝတွေကိုသာမက အိမ်မှာကျန်ခဲ့တဲ့ မိသားစုတွေရဲ့ ဘဝတွေကိုပါ အန္တရာယ်နဲ့ ကစားခိုင်းနေသလိုပါဘဲ။

နိုင်ငံသား စီစစ်မှုတွေလုပ်ဖို့ ပေးထားတဲ့ နောက်ဆုံးသတ်မှတ်ချက်ရက် ကုန်ဆုံးချိန်ကတော့ ဖေဖေါ်ဝါရီလ၊ ၂ဝ၁ဝမှာ ဖြစ်ပါတယ်၊ နောက်ဆုံး အစိုးရဝန်ကြီးများ အစည်းအဝေး ဆုံးဖြတ်ချက်အရဆိုရင် ထိုင်းနိုင်ငံမှာ တရားဝင် နိုင်ငံသား စီစစ်ရေးနဲ့ ပတ်သက်တဲ့ အထောက်အထား ကိုင်ထားသူတွေကသာ နေထိုင်ခွင့်နဲ့ အလုပ်လုပ်ခွင့် ရမှာဖြစ်ပါတယ်။ ဘာမှမရှိတဲ့ သူတွေက တော့နေရပ်ပြန်ပို့တာ ခံရမှာပါ။ သုံးသန်းလောက်ရှိတဲ့ ရွှေ့ပြောင်း အလုပ်သမားတွေအတွက် သတ်မှတ်ရက်အမှီ လုပ်နိုင်ဖို့ လေးလ လောက်တော့ အချိန်ရှိပါသေးတယ်။

ဒီနိုင်ငံသား စီစစ်မှု အစီအစဉ်အရ ရွှေ့ပြောင်း အလုပ်သမားတွေဟာ ဗြူရိုကရက်တစ် ကြိုးနီစနစ် အဆင့်ဆင့်ကို မြန်မာနဲ့ ထိုင်းနှစ်နိုင်ငံစလုံးမှာ ဖြတ်ကျော်ရမှာ ဖြစ်ပါတယ်။ ဒါပေမဲ့ ရွှေ့ပြောင်းအလုပ်သမားတွေဟာ လုပ်ရမဲ့အဆင့်တွေနဲ့ ပတ်သက်လို့ သတင်းအချက်အလက် အနည်းကိုသာ ရရှိခဲ့ပါတယ်။ ဒါမှမဟုတ် စနစ်တကျ အကူအညီပေးမှု မရရှိခဲ့ဘူးလို့လည်း ဆိုနိုင်ပါတယ်၊ ဒီလို ရှုပ်ထွေးမှုတွေနဲ့ စိုးရိမ်စရာ အခြေအနေတွေဟာ ရွှေ့ပြောင်း အလုပ်သမားတွေကို နှစ်နိုင်ငံလုံးမှာရှိတဲ့ အကျင့်ပျက် အာဏာပိုင်တွေနဲ့ ပေါင်းပြီး လုပ်စားနေတဲ့ ပွဲစားတွေရဲ့ သားကောင်ဘဝကို လွယ်လွယ်လေးနဲ့ ရောက်သွားစေနိုင်ပါတယ်။ ပြဿနာက အဆမတန် အပိုကြေးတွေ ပေးဆောင်ရနိုင်တာ တခုထဲမကပါဘူး။ အတုအယောင် ပွဲစားတွေရဲ့ ညစ်ပတ်လှည့်ဖြားမှုကိုလည်း ကြုံတွေ့နိုင်ပါတယ်။

ရှုပ်ထွေးတဲ့ အနေအထား၊ မရေရာတဲ့ ခံစားခွင့်နဲ့ အရေးယူခံရမှာကို ကြောက်တဲ့အတွက် ရွှေ့ပြောင်းအလုပ်သမား အများစုဟာ နေရပ်ပြန်ပို့ခံရနိုင်တဲ့ ခြိမ်းခြောက်မှုတွေကို အန်တုပြီး စောင့်ကြည့် အကဲခတ်နေမယ်ဆိုတဲ့ လမ်းကြောင်းကိုဘဲ ရွေးချယ်ခဲ့ကြပါတယ်။ ထိုင်းနိုင်ငံမှာ ချစားနေတဲ့ အာဏာပိုင်တွေနဲ့ ကျွန်သာသာ ဈေးပေါအလုပ်သမားတွေကို ရချင်တဲ့အလုပ်ရှင်တွေ ရှိနေသေးသ၍ သူတို့အတွက်ကတော့ နေရပ်ပြန်ပို့ခံရတဲ့တိုင် နယ်စပ်ကို အသာလေး ပြန်ကျော်ဖြတ်ပြီး ငွေပေးလိုက်ရင် ထိုင်းနိုင်ငံထဲကို ပြန်ဝင်လာဖို့ဆိုတာ သိပ်ပြီးခက်ခဲလှတာ မဟုတ်ပါဘူး။

အလုပ်သမား အခွင့်အရေးနဲ့ လူ့အခွင့်အရေး လှုပ်ရှားတဲ့အုပ်စုတွေက နိုင်ငံသားစီစစ်ရေး လုပ်ငန်းနဲ့ပတ်သက်ပြီး ထိုင်းအစိုးရကို အကြံပြုချက်တွေ တင်ပြလာပါတယ်။ ဒီအကြံပြုချက်တွေထဲမှာ နောက်ဆုံး သတ်မှတ်ချိန်ကို သက်တမ်းတိုးပေးဖို့၊ ဒီစီစစ်ရေးလုပ်ငန်း ပြည့်စုံအောင် မလုပ်ရသေးတဲ့သူတွေကို အလုပ်ဆက်လက်လုပ်ခွင့်ပေးဖို့၊ အလုပ်သမားတွေကို ရှင်းလင်းတိကျတဲ့ သတင်းအချက်အလက်တွေကို ချပြပေးဖို့၊ ပွဲစားတွေ လူလည်ကျတာ၊ အကြွေးနွံနစ်ပြီး ကျွန်ဖြစ်အောင်လုပ်တာ၊ လူကုန်ကူးမှုတွေ ကျူးလွန်တာစတဲ့ အန္တရာယ်တွေကနေ အကာအကွယ် ပေးနိုင်အောင် ဆောင်ရွက်ပေးဖို့ စတာတွေပါဝင်ပါတယ်။

ဒီနိုင်ငံသားစီစစ်မှု လုပ်ငန်းစဉ်ကြီး အောင်မြင်စေဖို့ဆိုရင် နည်းစနစ်တွေ ပွင့်လင်းမြင်သာရှိအောင်၊ လက်ခံနိုင်တဲ့ အနေအထားရှိအောင်နဲ့ အလုပ်သမားတွေဖက်က တတ်နိုင်တဲ့ အနေအထားတွေရှိအောင် လုပ်ပေးဖို့လိုပါတယ်။ ဒီအကြံပြုချက်တွေကို လှစ်လျူရှုခဲ့မယ်ဆိုရင် ထိုင်းအစိုးရအနေနဲ့ အမှားကို ကျူးလွန်မိရာ ရောက်ပါလိမ့်မယ်။ အခက်ခဲဆုံး လုပ်ရမယ့်အပိုင်းကတော့ နအဖအာဏာပိုင်တွေအနေနဲ့ နိုင်ငံသားစီစစ်ရေး လုပ်ငန်းဗဟိုရုံးကို ထိုင်းနိုင်ငံမှာ လာဖွင့်ခိုင်းဖို့ပါ။ ဒီလူတွေကို လူမြင်ကွင်းမှာ ပြောတာက သူတို့ကို သတ်သတ်လုပ်ခိုင်းတာထက် ပိုအလုပ်ဖြစ်မှာပါ။

နေရပ်ပြန်ပြီး အချက်အလက်တွေ ပြန်လည်ရယူဖို့ဆိုတာ မြန်မာလိုနိုင်ငံမျိုးမှာ အဓိကပြဿနာပါ။ မိမိလူထုအပေါ် ကိုယ်တိုင် အကြမ်းဖက်မှု ကျူးလွန်နေတဲ့ အာဏာရှင်တွေ အုပ်စိုးနေသမျှ ဒီလိုပြဿနာတွေက ဖြေရှင်းနိုင်မှာ မဟုတ်ပါဘူး။ တဆက်ထဲမှာ ဒီအဆက်အစပ် ရှိနေတာတွေကို ပြည်တွင်းပြည်ပ ဖိအားတွေနဲ့ ပြေလည်အောင် မဖြေရှင်းနိုင်သေးသ၍ ထိုင်းနိုင်ငံ အနေနဲ့ နိုင်ငံတွင်းမှာရှိတဲ့ ရွှေ့ပြောင်းအလုပ်သမားတွေအတွက် သင့်တင့်မျှတတဲ့ လူမှုဖူလုံရေး စနစ်တွေ၊ ခံစားခွင့်တွေကို ထောက်ပံ့ပေးဖို့ တာဝန်ရှိတယ်ဆိုတာကတော့ ငြင်းလို့မရတာ အသေအခြာပါဘဲ။

(၁၆- ၁ဝ- ၂ဝဝ၉ ရက်နေ့ထုတ် ဘန်ကောက်ပို့စ်မှ အယ်ဒီတာ့ အာဘော်အား ဆီလျော်အောင် ဘာသာပြန်ဆို ပါသည်။)

သောသီခို

မူရင်း http://www.bangkokpost.com/news/investigation/25873/cheating-the-system

www.ghre.org ၀က်ဆိုဒ်မှ ကူးယူဖော်ပြပါသည်။

0 comments:

Post a Comment