တရားမ၀င်တဲ့လူသားဆိုတာ ရှိရဲ့လား

သက်သေခံ လက်မှတ်မရှိတဲ့ လူသားတွေအတွက် ထိုင်းနိုင်ငံက စာနာပေးရန် တောင်းဆိုပါသည်။

မြန်မာတွေအတွက်အတွက် ရွှေ့ပြောင်းအလုပ်သမားဆိုတဲ့ ဘ၀ဟာ သိပ်တော့ လွယ်ကူလှသည် မဟုတ်ချေ။ ဒါပေမယ့် အခု ထုတ်ပြန်လိုက်တဲ့ ဥပဒေ အသစ်က ပိုပြီး ခက်ခဲစေပါသည်။ ၂၀၁၀ ခု ဇွန်လ ၂ ရက် နေ့မှာ ထိုင်း ၀န်ကြီးချုပ် အဘီဆစ် ၀ိဂျာဂျီဝက တရားမ၀င်အလုပ် လုပ်ကိုင်နေသော နိုင်ငံခြားသား အလုပ်သမားများကို နှိမ်နှင်း၊ ဖမ်းဆီး၊ အပြစ်ပေးနိုင်ရန် အထူးစင်တာ တစ်ခုကို တည်ထောင်လိုက်သည်။

ထိုသို့ ပြုလုပ်လိုက်ခြင်းသည် ထိုင်းနိုင်ငံ၏ နိုင်ငံခြားသား အလုပ်သမားများကို နေရင်းပြန်ပို့ရေး ရန်ပုံငွေ၏ နည်းဥပဒေများနှင့် စနစ်များအရ ကူညီအထောက်အပံ့ပြုရန် လုပ်ဆောင်ခြင်း ဖြစ်ကောင်း ဖြစ်မည်။ ထိုအမိန့် ဥပဒေသည် ချက်ချင်း အသက်ဝင်ကောင်း ၀င်မည်လည်းဖြစ်သည်။ ပြီးခဲ့သည့် လ (၁၆)ရက်မှ (၁၉)ရက် အတွင်း ဘန်ကောက် တစ်မြို့နယ်တည်းမှာပင် စုစုပေါင်း မြန်မာ (၃၄၆)ယောက် အဖမ်းခံခဲ့ရသည်။

ကာလီဖိုးနီးယားမှာဖြစ်စေ၊ ထိုင်းမှာဖြစ်စေ၊ ပြင်သစ်မှာဖြစ်စေ ဆင်းရဲသား ရွှေ့ပြောင်း အလုပ်သမားများဟာ ပိုမိုကောင်းမွန်တဲ့ ဘ၀ကို ပိုင်ဆိုင်ရန်အတွက် ရွှေ့ပြောင်းနေမှုဟာ အိမ်ရှင်နိုင်ငံက လူများစုနဲ့ အသစ် ရောက်လာတဲ့ အိမ်နီးချင်းတွေအကြား ပဋိပက္ခ ပေါ်ပေါက်စေပါသည်။ ဒါကြောင့် လူသားတိုင်းအတွက် လူ့အခွင့်အရေးတွေကို ကာကွယ်ပေးဖို့ မျှတတဲ့ ပေါ်လစီတွေ ချမှတ်ပေးရန် အရေးကြီးလှပါသည်။ အခု ဥပဒေသစ်ကတော့ ရွှေ့ပြောင်းလုပ်သားတွေနဲ့ ပတ်သက်လို့ မျှတဲ့ အခြေအနေ မရှိပါဘူး။ အထူသဖြင့် တရားဝင် အခြေအနေကို ရောက်ဖို့ အခက်အခဲတွေနဲ့ ရင်ဆိုင်နေရတဲ့ ရွှေ့ပြောင်း အလုပ်သမားတွေ အတွက် ပိုပြီး မမျှတပါဘူး။ ရွှေ့ပြောင်း အလုပ်သမားတွေဟာ သူတို့ရဲ့ အခြေအနေကို သေသေချာချာ မစီစစ်ပဲ အတင်းအကျပ် ၀င်ရောက်ဖမ်းဆီခံရတဲ့ အတွေ့အကြုံတွေ ရှိထားကြပါတယ်။ အများဆုံး ဖြစ်တတ်တာကတော့ နိုင်ငံသား စီစစ်မှုလုပ်ငန်းစဉ် လျှောက်ထားကြောင်း ပြေစာရှိပေမယ့်လည်း တခြား တရားမ၀င်တဲ့ ရွှေ့ပြောင်း ၀င်ရောက်လာသူတွေလို အဖမ်းခံ ရတတ်ပြီး ဒီအချက်က အစိုးရရဲ့ နည်းဥပဒေ တွေအပေါ် အယုံအကြည့် လျော့နည်းစေပါသည်။ ပိုမိုဆိုးရွားစေသည့် အချက်ကတော့ နိုင်ငံသားစီးစစ်မှု ပြုလုပ်ရန် လျှောက်ထားပိုင်ခွင့် ရှိပေမယ့် လျှောက်ထားပုံ အဆင့်ဆင့်ကို အသေအချာ လိုက်နားမှု မရှိခဲ့သော အလုပ်သမား သုံးသိန်းကျော်ကို ဖမ်းဆီးရန် အမိန့်ထုတ်ခဲ့မှုက ရွှေ့ပြောင်းမြန်မာ အလုပ်သမားများအကြား ၎င်းလုပ်ငန်းစဉ်အပေါ် သံသယတွေ တိုးပွားလာပြီး အယုံအကြည့် လျော့နည်းစေသလို စိတ်ပျက်ဒေါသ ထွက်စရာဖြစ်ရပါသည်ဟု မဲခေါင် ရွှေ့ပြောင်း အလုပ်သမားများကွန်ယက် ဟုခေါ်သည့် ဒေသတွင်း အစိုးရ မဟုတ်သည့် အဖွဲ့အစည်း၏ ဇွန်လ (၂၂)ရက်နေ့ထုတ် ကြေငြာချက်ထဲတွင် ဖေါ်ပြထားသည်။

ထို့ကြောင့် ရွှေ့ပြောင်းအလုပ်သမားများ အဘယ့်ကြောင့် မှတ်ပုံတင်ကြမည်နည်း။ ရွှေ့ပြောင်းအလုပ်သမား အများစုမှ ဈေးနှုန်း ကြီးမြင့်လှခြင်းနှင့် သူတို့၏ မြန်မာပြည်ရှိ နေရင်းလိပ်စာကို ဖေါ်ပြရမည်အချက်ကို စိုးရိမ် ကြောက်လန့်သောကြောင့် နိုင်ငံသားစီစစ်မှု မပြုနိုင်ခြင်းဖြစ်သည်။ ထိုင်းအလုပ်ရှင် တချို့ကလည်း မြန်မာ အလုပ်သမားများနှင့် ပတ်သက်၍ အခွန်အကောက်များ ပေးဆောင်ရမည် စိုးသောကြောင့် လည်ကောင်း၊ အလုပ်သမားများအပေါ် ခေါင်းပုံဖြတ် အမြတ်ထုတ်နေခြင်းကို သိရှိသွားမည် စိုးသောကြောင့်လည်ကောင်း သူတို၏ အလုပ်သမားများကို နိုင်ငံသားစီစစ်ခြင်း မပြုစေချင်ကြပေ။ မြန်မာရွှေ့ပြောင်း အလုပ်သမားများနှင့် ပတ်သက်၍ အများဆုံး တွေ့ရသော လူ့အခွင့်အရေး ချိုးဖေါက်မှုများမှာ အလုပ်သမား အခွင့်အရေး ချိုးဖေါက်မှုများသာဖြစ်ပြီး ငွေကြေးမပေးပဲ အချိန်ပို ခိုင်းစေမှု၊ လုပ်ခလစာ နည်းပါးမှု၊ အသက်အာမခံကြေးနှင့် လျှော်ကြေး အာမခံချက်မရှိမှု၊ လိင်ပိုင်းဆိုင်ရာ စော်ကားမှုနဲ့ နှိပ်စက်ညှင်းပမ်း မှုတွေကို ကြုံတွေ့နေရပါသည်။ ဤ သို့သော အကြောင်း အချက်များကြောင့် ကျနော်တို့က ရွှေ့ပြောင်းမြန်မာ အလုပ်သမားများအား ယာယီနိုင်ငံ ကူးလက်မှတ်လျှောက်ထားရန် စည်းရုံးလှုံ့ဆော် နေရခြင်းဖြစ်ပါသည်။ ဒါပေမယ့် ရွှေ့ပြောင်းမြန်မာအလုပ် သမားများဟာ ကြောက်ရွံ့ခြင်းနှင့်အတူ နေထိုင်နေရဆဲ ဖြစ်ပါတယ်။

“ကျနော်တို့ တရားဝင် ဖြစ်သွားတာနဲ့အမျှ ကျနော်တို့ အခွင့်အရေးတွေကို ကာကွယ်ပြီးသား ဖြစ်သွားမယ်ဆိုတာ နားလည်ပါတယ်။ ဒါပေမယ့် ဒီ နိုင်ငံသား စီစစ်ရေးလုပ်ငန်းစဉ်ကို ကျနောတို့ လုပ်ရမှာ လန့်နေတယ်။ ဘာကြောင့်လဲ ဆိုတော့ ကျနော်တို့က ဒီ အစိုးရကို မယုံဘူး။ ပြီးတော့ ကျနော်တို့ လုပ်လိုက်လို့ မြန်မာပြည်မှာ ကျန်ခဲ့တဲ့ ကျနော်တို့ရဲ့ မိသား စုတွေကို အစိုးရက အနှောင့်အယှက်ပေးမှာ ကြောက်ရတယ်”ဟု ရာဘာခြံအလုပ်သမား နိုင်စိုးက ပြောသည်။

ထိုင်းနိုင်ငံမှာ အခွင့်အရေး ချိုးဖေါက်မှုတွေ ကြုံနေရသည် ရှိသော် ဒီရွှေ့ပြောင်း အလုပ်သမားများက မြန်မာပြည်ကို ပြန်ကြမှာလား။ မြန်မာနိုင်ငံက အာဏာရှင် စနစ်အောက်မှာ ပြည်သူလူထုက ဒုက္ခပေါင်းမျိုးစုံ ခံစားနေရဆဲ ရှိပါသည်။ အာဏာရှင်တို့က တိုင်းပြည်နှင့် တိုင်ပြည် စီးပွားရေးကို ချွတ်ချုံကျအောင် ဖန်တီးထားပါသည်။ စီးပွားရေး စီမံခန့်ခွဲမှု ညံ့ဖျင်းမှုကြောင့် ဆင်ရဲသား အများစုမှာ အလုပ်အကိုင် ရရှိရေးအတွက် အိမ်နီးချင်းနိုင်ငံများကို ထွက်ပြေး လာခဲ့ရပါသည်။ မြန်မာအများစုမှာ ထိုင်းနိုင်ငံသို့ အလုပ်အကိုင် ရှာဖွေရန် ထိုင်းနိုင်ငံသို့ ရွှေ့ပြောင်းလာခဲ့ကြပါသည်။ ထို့အပြင် မြန်မာအများစု ထိုင်းနိုင်ငံအတွင်းသို့ ၀င်ရောက်လာရသော နောက်ထပ် အကြောင်းရင်း တစ်ရပ်မှာ မြန်မာစစ်တပ်မှ နိုင်ငံသားများအပေါ် ဖိနှိပ်ချုပ်ချယ်မှုများနှင့် အစိုးရ စီမံကိန်းလုပ်ငန်း အများအပြားတွင် လုပ်အားပေး ခိုင်းစေမှုကြောင့် ဖြစ်ပါသည်။ နိုင်ငံတော် အေးချမ်း သာယာရေးနှင့် ဖွံ့ဖြိုးရေးကောင်စီ (နအဖ) ဟုခေါ်သည့် မြန်မာစစ်အစိုးရက ၎င်းတို့၏ တပ်များ ထိန်းချုပ်ရာနှင့် စစ်စခန်းများ တည်ဆောက်ရာ တောအရပ်ဒေသများတွင် လုပ်အားပေး ခိုင်စေမှုကို ကျယ်ကျယ်ပျံ့ပျံ့ လုပ်ဆောင်လျှက်ရှိပါသည်။ နအဖ စစ်တပ်သည် ဧကပေါင်းများစွာသော မြေများကို သိမ်းယူပြီး စစ်တပ် ရိက္ခာအတွက် စပါးနှင့် သီးနှံများ စိုက်ပျိုးလျှက်ရှိပါသည်။ နအဖ ထိန်းချုပ်ရာ ဒေသများတွင် နအဖအား တန်ပြန်တော်လှန်သော အင်အားစုများ မရှိသော်လည်း ဒေသခံလူထုမှာ အနည်းဆုံး တစ်ရက်မှ ရက်ပေါင်း များစွာအထိ စစ်တပ်စခန်းများနှင့် လယ်မြေများတွင် အတင်းအဓမ္မ လုပ်အားပေး ခိုင်းခံနေရသည်မှာ ပုံမှန်ဖြစ်နေပါပြီ။ စစ်တပ်တစ်တပ် ဒေသခံနယ်မြေအတွင်းသို့ ၀င်ရောက်လာသည်နှင့် တပြိုင်နက် နီးစပ်ရာ ကျေးရွာများမှ တပ်စခန်း ဆောက်လုပ်ရန် သစ်၊ ၀ါးများကို ပုံမှန် ပံ့ပိုးပေးရလေ့ ရှိပါသည်။

ဤသို့နယ်စပ် စစ်ပွဲများနှင့် လုပ်အားပေး ခိုင်းစေမှုများကြောင့် မြန်မာဒုက္ခသည် ထောင်ပေါင်းများစွာသည် ထိုင်း-မြန်မာ နယ်စပ်ကို ဖြတ်ကျော်လျှက် ထိုင်းနိုင်ငံအတွင်းတွင် ဘေးကင်းလုံခြုံရာနှင့် အလုပ်အကိုင် ရှာဖွေရန် ၀င်ရောက်လာလေ့ ရှိပါသည်။ ထိုင်းနိုင်ငံသည် ဒေသတွင်းတွင် အတော်အတန် ဖွံ့ဖြိုးသော တိုင်းပြည်တစ်ခု ဖြစ်သဖြင့် မြန်မာ ရွှေ့ပြောင်း အလုပ်သမားအများ အပြားသည် ထိုင်းနိုင်ငံတွင် ဘေးကင်းလုံခြုံရာနှင့် အလုပ်အကိုင်ရရှိရန် ၀င်ရောက်လာရခြင်း ဖြစ်ပါသည်။ သို့သော် မြန်မာအလုပ်သမား အများစုမှာ ထိုင်းနိုင်ငံအတွင်းတွင် အခက်အခဲများနှင် ရင်ဆိုင်ရလေ့ရှိသည်။ ၎င်းတို့မှာ (3 D)ဟုခေါ်သော အန္တရာယ်များသော အလုပ် ( Dangerous )၊ ခက်ခဲသောအလုပ် ( Difficult)၊ ညစ်ပတ်သော အလုပ် ( Dirty) များကို လုပ်ကိုင်နေရပါသည်။ ကျွန်ုပ်တို့၏ ခန့်မှန်းချက်အရ ထိုင်းနိုင်ငံရှိ ထို 3D အလုပ်များတွင် တရားဝင်ရော တရားမ၀င် အလုပ်သမားများပါ စုစုပေါင်း (၄)သန်းခန့် အလုပ်လုပ်ကိုင် နေကြပါသည်။

“ကျနော်တို့ ထိုင်းတွေ မလုပ်ချင်တဲ့ အလုပ်ကို လုပ်နေရတာပါ။ သူတို့အလုပ်တွေကို ကျနော်တို့ ခိုးတာ မဟုတ်ပါဘူး။ ဒီမှာ အလုပ်လုပ်တဲ့ တံငါသည်တွေရဲ့ (၉၀)ရာခိုင်နှုန်းက ဗမာတွေပါ။ တကယ်တော့ ကျနော်တို့ အလုပ်လုပ်သလို သူတို့ (ထိုင်းတွေ) အလုပ် မလုပ်နိုင်ပါဘူး။ ကျနော်တို့မှာ လုံခြုံမှုလည်းမရှိ၊ နေရေး ထိုင်ရေးမှာလည်း ဆင်းရဲလှတဲ့ ပင်လယ်ပြင်ထဲမှာ အကြာကြီး လုပ်နေရာတာပါ” ဟု ရေလုပ်ငန်းတွင် နှစ်ပေါင်းများစွာ အလုပ်လုပ်နေသော လှေသူကြီး ဖြစ်သူ မောင်လေးက ပြောပြသည်။

ထိုင်းလူမျိုးတချို့ကတော့ သူတို့ရဲ့ အိမ်နီးနားချင်းနိုင်ငံမှ လူများအတွက် စာနာနားလည် ပေးတတ်သည်။ “ကျမတို့မှာ ဒီမြန်မာ အလုပ်သမားတွေကြောင့် သန့်ရှင်းလတ်ဆတ်တဲ့ ပင်လယ်စာတွေကိုလည်း စားရ တယ်။ ဒါတွေကို တခြားနိုင်ငံတွေကိုလည်း ပို့ကုန်အဖြစ် ပို့နိုင်တယ်” ဟု ထိုင်းလူ့အခွင့်အရေး လှုပ်ရှား သူတွေက ပြောပြသည်။ ထိုင်းအလုပ်ရှင်များနှင့် အာဏာပိုင်တချို့ကတောင်မှ မြန်မာအလုပ်သမားများကြောင့် ထိုင်းစီးပွားရေး တိုးတက်လာရတာဖြစ်ကြောင်း ၀န်ခံပြောကြာလေ့ ရှိသည်။ ထို့ကြောင့် ၎င်းတို့ ကိုယ်တိုင် မြန်မာအလုပ်သမားများကို မျှမျှတတ ဆက်ဆံရေးအတွက် စည်းရုံးလှုံ့ဆော် လာကြသည်။

ဖိနှိပ်ချုပ်ချယ်လွန်းသော အရပ်ဒေသကို စွန့်ခွာ၍ ပိုမိုကောင်းမွန်သော ဘ၀ကို ပိုင်ဆိုင်ရန်နှင့် စီးပွားရေး ဖွံ့ဖြိုး တိုးတက်မှုကို ထောက်ပံ့ပေးရန် ထွက်ခွာလာသော်လည်း မြန်မာ အလုပ်သမားများမှာ အိမ်ရှင်နိုင်ငံ၌ ပို၍ အခက်အခဲများနှင့် ရင်ဆိုင်နေရသည်။ ထိုင်းနိုင်ငံသည် သမိုင်းကြောင်းအရ စာနာနားလည်မှုတွေ ရှိခဲ့သည့် တိုင်းပြည် ဖြစ်သည်နှင့်အညီ လက်ရှိ ထုတ်ပြန်ထားသော ဥပဒေသစ်ကို ပယ်ဖျက်ပြီး ငြိမ်းချမ်းစွာ အတူတကွ နေထိုင်း အလုပ်လုပ်ကြရန် လိုအပ်လှကြောင့် ကျွန်ုပ်တို့ တိုက်တွန်းတောင်းဆိုချင်ပါသည်။

ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်းမှ အမှုဆောင် ဒါရိုက်တာ ဦးထူးချစ်ရေးသားသည့် (Is there such a thing as an “illegal” human being?) ကို ဆီးလျော်အောင် ဘာသာပြန်ဆိုပါသည်။

www.ghre.org ၀က်ဆိုဒ်မှ ကူးယူဖော်ပြပါသည်။