မင်္ဂလာပါ ... ကြွရောက်လာကြသော မိတ်သင်္ဂဟအပေါင်းတို့ကို "မြန်မာအလုပ်သမားများကွန်ယက်" ဆိုဒ်မှ နွေးထွေးစွာဖြင့် ကြိုဆိုပါတယ်ခင်ဗျာ....

ချင်းမိုင်မှ အမျိုးသမီး နှီးနောဖလှယ်ပွဲ

နှစ်၁၀၀ ပြည့် နိုင်ငံတကာအမျိုးသမီးများနေ့

၁၀ ကြိမ်မြောက် အမျိုးသမီးများနေ့ နှီးနှောဖလှယ်ပွဲကို ထိုင်းနိုင်ငံ၊ချင်းမိုင်မြို့၊Holiday Gardend Hotel တွင် ၂၀၁၁ ခုနှစ် မတ်လ ၆ ရက်နေ့မှ ၁၀ ရက်နေ့အထိ (MAP Foundation) မှ ဦးစီး၍ ၅ ရက်တာ ကျင်းပပြုလုပ်ခဲ့ ပါသည်။

ထိုဆွေးနွေးပွဲကို အဖွဲ့အစည်းများ၊ အလုပ်သမားများ၊ ဒုက္ခသည်စခန်းမှ အမျိုးသမီးများ နှင့်အခြားသော အနယ်နယ်ဒေသများမှ အမျိုးသမီးပေါင်း ၁၂၀ ကျော်တက်ရောက်ဆွေးနွေးခဲ့ကြပါသည်။ ထိုင်းနိုင်ငံမှ မဲ့စရီယန်၊ မဲဆောက်၊ ဖန်င၊ ချင်းမိုင်၊ ဘန်ကောက်၊ မဲ့ဟောင်ဆောင်၊ ဖန်၊ ဝေ့ဟန်၊ မဲ့ဆိုင်၊ ရနောင်း မြို့နယ်တို့မှ ကရင်၊ ထိုင်း၊ ရှမ်း၊ လားဟူ၊ ကရမ်း၊ မလေး၊ ဟင်ဒီ၊ ကရင်နီ၊ ပအိုဝ်၊ ထားဝယ်၊ ပလောင်၊ မွန်၊ ရခိုင်၊ ဗမာ စသည်နှင့် အခြားဒေသမှအမျိုးသမီးလူမျိုးစု အများအပြားတက်ရောက်ဆွေးနွေးခဲ့ကြပါသည်။

အခမ်းအနားစတင်ချိန်တွင် map Foundation ဒါရိုက်တာ Jackie မှ နှစ်တရာရှိပြီဖြစ်သော အမျိုးသမီး များနေ့တွင် တခုခုပြောင်းလဲနိုင်အောင် ကြိုးစားရမည်ဖြစ်ကြောင်းကို အဖွင့်အမှာစကားနဲ့အတူ ပြောကြားသွားခဲ့ ပါသည်။ ထို့နောက် တက်ရောက်လာကြသော ဒေသဆိုင်ရာအမျိုးသမီးများမှ ၂၀၁၀ ခုနှစ်၏ လစဉ်အမျိုးသမီး ဆွေးနွေးပွဲနှင့် ပတ်သတ်သော အစီရင်ခံစာများကို အသီးသီး အသေးစိတ်ရှင်းလင်း တင်ပြခဲ့ကြပါသည်။

ထိုဆွေးနွေးပွဲ၌ အိမ်ဖော်အလုပ်သည် အလုပ်ဖြစ်ကြောင်းကို အသိအမှတ်ပြုခြင်း။ အမျိုးသမီးများအပေါ် အကြမ်းဖက်မှုကိုဆန့်ကျင်ခြင်း နိုင်ငံရေးနှင့်ပတ်သတ်သော ငွေကြေးဆိုင်ရာ ပေါ်လစီ။ စီဒေါအကြောင်း (အမျိုးသမီးများအပါ် အကြမ်းဖက်မှုကိုဆန့်ကျင်ခြင်း) လိင်ပိုင်းဆိုင်ရာ ကျန်းမာရေး။ ရွေ့ပြောင်းအလုပ်သမားများ အပေါ်ခေါင်းပုံဖြတ်အမြတ်ထုတ်ခြင်း။ လူ့အခွင့်အရးနှင့် အာစီယံ၏ နည်းဗျူဟာများ။ ပြည်တွင်းရွာပုန်း ရွာရှောင် များနှင့် ဒုက္ခသည်စခန်းမှ အမျိုးသမီးများ၏ နေထိုင်မှု စသည့် အကြောင်းအရာများကို ဆွေးနွေးခဲ့ကြပါသည်။

မတ်လ ရက်နေ့ မနက်ပိုင်းအချိန်တွင် မြန်မာအမျိုးသမီးများစံပြခေါင်းဆောင် ဒေါ်အောင်ဆန်းစုကြည် ၏ နိုင်ငံရပ်ခြားရောက် မြန်မာရွေ့ပြောင်းအမျိုးသမီးများကို အားပေးစကားပြောကြားသော ရုပ်သံကိုထုတ်လွှင့် ပြသ၍ အမျိုးသမီးများမှ ခွန်အားသစ်များနှင့်အတူ အပြည်ပြည်ဆိုင်ရာ ချီတက်လမ်းလျှောက်ပွဲ အခမ်းအနားကို နှစ်တရာပြည့်အမျိုးသမီးများနေ့၊ I am woman သီချင်းများနှင့် လမ်းလျှောက်ချီတက်ပွဲ ပြုလုပ်ခဲ့ကြပါသည်၊ အခမ်းအနားတွင် အမျိုးသမီးများ ရှေဆက်ချီတက်ရမည့် လုပ်ငန်းစဉ်များကို ကြေငြာခဲ့ပြီး ထိုင်းနိုင်ငံ ဘန်ကောက်မြို့မှ လက်ထောက်ခရိုင်မှူးကိုယ်တိုင် မိန့်ခွန်းပြောကြားခဲ့ပါသည်။ ထို့နောက် မြန်မာနိုင်ငံ အမျိုးသမီးများအဖွဲ့ချုပ်(WLB)မှ အတွင်းရေးမှုး ဒေါ်တင်တင်ညိုက အမှာစကားပြောကြားခဲ့ပီး အခမ်းအနား ကိုစည်းကားစွာကျင်းပခဲ့ကြပါသည်။

map foundation မှ ဦးစီးကျင်းပသော အပြည်ပြည်ဆိုင်ရာ အမျိုးသမီးများနေ့ အခမ်းအနား၌ ၁၀ရက်နေ့ တွင် WLB မှ အဖွဲ့အစည်း၏ လုပ်ငန်းလုပ်ဆောင်ချက်များ၊ လုပ်ငန်းစဉ်နှင့်၊ ဖွဲ့စည်းပုံ အစီရင်ခံစာကို အသေးစိတ် တင်ပြ ဆွေးနွေးခဲ့ပါတယ်။ ထို့နောက် အမျိုးသမီးများ အကြမ်းဖက်ခံရမှု၊ နိုင်ငံရေးအခြေအနေများ၊ ငိမ်းချမ်းခြင်းနှင့် ပြန်လည်သင့်မြတ်ရေး စသည့်ခေါင်းစဉ်များကို အမျိုးသမီးများမှ အဖွဲ့လိုက် ဆွေးနွေးခဲ့ကြပါတယ်။






















































DVB ရုပ်သံမှတ်တမ်း

0 comments:

Post a Comment