မင်္ဂလာပါ ... ကြွရောက်လာကြသော မိတ်သင်္ဂဟအပေါင်းတို့ကို "မြန်မာအလုပ်သမားများကွန်ယက်" ဆိုဒ်မှ နွေးထွေးစွာဖြင့် ကြိုဆိုပါတယ်ခင်ဗျာ....

ထိုင်းနိုင်ငံရောက် မြန်မာတို့ နေ့တွက်ခ တိုးရမည်လော


ထိုင်းနိုင်ငံ အလုပ်သမားတဦး၏ အနည်းဆုံး နေ့တွက်ခ အဖြစ် ဘတ် ၃၀၀ (၁၀ ဒေါ်လာ) ပေးရန် သတ်မှတ်မည့် အစီအစဉ်ကို ထိုင်းဝန်ကြီးချုပ်က အတည်ပြုခဲ့သည့်တိုင် မြန်မာပြည်သား အလုပ်သမားတို့ အကျိုးခံစားခွင့် ရဦးမည်မဟုတ်ဟု အလုပ်သမား အခွင့်အရေး ဆောင်ရွက်နေသူများက ခန့်မှန်းနေကြသည်။

ပြီးခဲ့သည့်နှစ်ကုန်ပိုင်းက ထိုင်းနိုင်ငံ မြောက်ပိုင်း Khon Kaen မြို့ရှိ ငါးဖမ်းပိုက်ကွန်စက်ရုံတွင် အလုပ်သမားအခွင့်အရေးအတွက် ဆန္ဒပြနေကြသော မြန်မာပြည်သား အလုပ်သမားများ (ဓာတ်ပုံ - ဧရာဝတီ)

သို့သော်လည်း ထိုင်းအခြေခံဥပဒေ၊ နိုင်ငံတကာ အလုပ်သမား ဥပဒေတို့တွင် ပြဋ္ဌာန်းထားချက်အရ အလုပ်သမားဆိုင်ရာ ရပိုင်ခွင့်များသည် ထိုင်းနိုင်ငံသားများသာမက ထိုင်းတွင်ရောက်ရှိနေသော မြန်မာ၊ လာအို၊ ကမ္ဘောဒီးယား နိုင်ငံတို့မှ အလုပ်သမားများနှင့်လည်း အကျုံးဝင်ကြောင်း သိရသည်။

“အခြေခံ သတ်မှတ်ထားတဲ့ လစာရဖို့က လက်တွေ့မှာ နည်းနည်း ခက်တယ်၊ ဘာဖြစ်လို့လဲ ဆိုတော့ သူတို့တွေက ခွဲခြားခံနေရတယ်၊ အလုပ်ရှင်တွေကလည်း အနိမ့်ဆုံး လစာကို မပေးချင်ကြဘူး၊ ရွှေ့ပြောင်း အလုပ်သမားတွေမှာ စုစည်းထားတဲ့ သမဂ္ဂလို အဖွဲ့မျိုး မရှိတာကလည်း အနိမ့်ဆုံး လုပ်အားခ သတ်မှတ်ချက်ကို ရဖို့ မလွယ်ဘူး” ဟု လူ့အခွင့်အရေးနှင့် ဖွံ့ဖြိုးရေး ဖောင်ဒေးရှင်း ညွှန်ကြားရေးမှူး အန်ဒီဟောလ်က ဧရာဝတီသို့ ပြောသည်။

အနိမ့်ဆုံး လစာ သတ်မှတ်ချက်တွင် အချိန်ပို၊ အလုပ်ခွင်လုံခြုံမှု စသည့်တို့ ပါဝင်မှု ရှိမရှိ ရှင်းလင်းလင်း မသိရသေးကြောင်း၊ လာမည့်နှစ်တွင် အကောင်အထည်ဖော်နိုင်လိမ့်မည်ဟု ယူဆထားကြောင်း ၎င်းက ဆိုသည်။

အာဏာရပါတီသည် မကြာသေးမီက ရွေးကောက်ပွဲ မဲဆွယ်စဉ် နေ့တွက်ခ ဘတ် ၃၀၀ သတ်မှတ်ရန် ကတိပေးခဲ့သော်လည်း ယခု အကောင်အထည် ဖော်ဆောင်ရာတွင် အတိုက်အခံပြုမှုများနှင့် ရင်ဆိုင်နေရသည်။

လုပ်ငန်းရှင်များ နှင့် ထိုင်းဝန်ကြီးချုပ်ဟောင်း အဖိဆစ် ဝေ့ချာချီဝတို့က ယင်းအစီအစဉ် အလုပ်မဖြစ်နိုင်ကြောင်း ကန့်ကွက် ပြောဆိုထားပြီးဖြစ်သည်။

ထိုင်းနိုင်ငံရောက် မြန်မာအလုပ်သမား အများအပြားကလည်း ၎င်းတို့နှင့် ဘတ် ၃၀၀ အစီအစဉ် သက်ဆိုင်လိမ့်မည် မဟုတ်ဟု ဆိုသည်။

“ပေးမယ် ဆိုရင် မြန်မာ နိုင်ငံသားတွေကိုလည်း ပေးဖို့ မျှော်လင့်ပါတယ်၊ ဒါပေမယ့် မရနိုင်ဘူး ထင်တယ်၊ သတင်းကြားတာက ထိုင်းလူမျိုးတွေကိုပဲ ပေးမယ်၊ မြန်မာ နိုင်ငံသားတွေကို မပေးဘူးလို့ ကြားတယ်” ဟု ဘန်ကောက်မြို့အနီး မဟာချိုင် ဒေသရှိ ဆေးဆိုးပန်းရိုက် လုပ်ငန်းတခုတွင် လုပ်ကိုင်နေသည့် မောင်မြင့်ထွန်းက ပြောသည်။

သူက တနေ့ လုပ်အားခ ၂၁၅ ဘတ်သာ ရရှိသည်ဟု ဆိုသည်။ သူ၏ ၀င်ငွေမှာ ထိုင်းအလုပ်သမားဌာနက ထိုဒေသအတွက် သတ်မှတ်ထားသည့် အနိမ့်ဆုံးနေ့တွက်ခအတိုင်း ရရှိခြင်း ဖြစ်သည်။

အလုပ်သမား နေ့တွက်ခကို ခရိုင်အလိုက်ခွဲခြားထားရာ မြန်မာပြည်သား အလုပ်သမားအများစုမှာ သတ်မှတ်ထားချက်ထက် နည်းပါးသည့် လုပ်အားခကိုသာ ရကြသည်ဟု ထိုင်းနိုင်ငံတောင်ပိုင်း အခြေစိုက် ပညာရေးနှင့် ဖွံ့ ဖြိုး တိုးတက်ရေး ဖောင်ဒေးရှင်း ဒါရိုက်တာ ဦးထူးချစ်က ပြောသည်။

“လုပ်အားခကို ၃၀၀ သတ်မှတ်မယ် ဆိုရင်တော့ မြန်မာ အလုပ်သမားတွေလည်း အကျိုးခံစားခွင့်ရှိရမယ်၊ တကယ်လို့ အကျိုးခံစားခွင့် မရှိဘူးဆိုရင် အလုပ်သမား အရေး ဆောင်ရွက်နေတဲ့ NGO အဖွဲ့အစည်းတွေ၊ ကာယကံရှင် အစိုးရတွေကသာ အဲဒါကို ရအောင် လုပ်ပေးသင့်တယ်” ဟု ဦးထူးချစ်က ဆိုသည်။


ထိုင်းအစိုးရသစ်၏ နေ့တွက်ခ ဘတ် ၃၀၀ အစီအစဉ်ကြောင့် ကုန်းဈေးနှုန်းတက်လာနိုင်သဖြင့် အလုပ်သမားများ ယခင်ဝင်ငွေနှင့် ရပ်တည်ရန် ခက်ခဲလိမ့်မည်ဟု ဦးထူးချစ်က ဆက်ပြောသည်။

“ဒါကြောင့် ရွှေ့ပြောင်း အလုပ်သမားတွေနဲ့ ဒီထိုင်းအလုပ်သမားတွေနဲ့ တပြေးညီ ဆောင်ရွက်ပေးသင့်တယ်လို့ မြင်ပါတယ်” ဟု ၎င်းက ရှင်းပြသည်။

မြန်မာပြည်သားအလုပ်သမား အများအပြား တည်ရှိရာ မဲဆောက်မြို့တွင် နေ့တွက်ခ ၁၆၂ ဘတ် သတ်မှတ်ထားသော်လည်း ဘတ် ၁၀၀ အောက်သာ ရရှိကြသည်။

“လတ်တလော ၁၆၂ ဘတ် မရကြဘူး ဆိုတော့ နောက် ၃၀၀ ဆိုရင် ဖြစ်နိုင်ခြေ မရှိဘူးလို့ ထင်တယ်” ဟု မဲဆောက်မြို့အခြေစိုက် ရောင်ခြည်ဦး အလုပ်သမားအဖွဲ့မှ ကိုမိုးဆွေက ပြောသည်။

မကြာသေးမီက ကုလသမဂ္ဂ လူကုန်ကူးမှု တိုက်ဖျက်ရေးဆိုင်ရာ အထူး ကိုယ်စားလှယ် Ms. Joy Ngozi Ezeilo ကလည်း ရွှေ့ပြောင်း အလုပ်သမားများကို အကာအကွယ်ပေးရန် ထိုင်းအစိုးရကို တိုက်တွန်းထားသည်။

ထိုင်းနိုင်ငံတွင် မြန်မာ ရွှေ့ပြောင်းအလုပ်သမား အရေအတွက် ၄ သန်းအထိ ရှိနိုင်ကြောင်း အလုပ်သမားအရေး ဆောင်ရွက်သူများက ခန့်မှန်းထားသည်။

ဧရာဝတီ သတင်းဌာနမှ ကူးယူဖော်ပြပါသည်။

ယာယီပတ်စ်ပို့ ကိုင်ဆောင်ထားသူများကို ထိုင်းရဲက ခရီးသွားခွင့်မပြု




20110824a

မောင်ချစ်ကိုကိုခင်နှင့် မဟေမာန်သွယ်

ယမန်နေ့ညက ထိုင်းနိုင်ငံ မဲဆောက်မြို့မှ ဘန်ကောက်နှင့် ဖန်ငမြို့များသို့ သွားရောက်ကြမည့် ယာယီပတ်စ်ပို့ ကိုင်ဆောင်ထားသော မြန်မာအလုပ်သမား (၆)ဦးကို တာ့ခ်ခရိုင် စစ်ဆေးရေး ရဲဂိတ်မှ သွားလာခွင့် မပြုဘဲ မဲဆောက်မြို့သို့ ပြန်လည် ပို့ဆောင်လိုက်ကြောင်း သိရသည်။

အဆိုပါ ခရီးသွားလာခွင့် မရသည့် မြန်မာ (၆)ဦးတွင် ဖန်ငခရိုင် အခြေစိုက် ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်း (FED)မှ ၀န်ထမ်း နှစ်ဦးလည်း ပါဝင်သည်။ ၎င်းတို့ နှစ်ဦးမှာ FED၏ မဲဆောက်ရုံးခွဲမှ ၀န်ထမ်းများဖြစ်ပြီး ဖန်ငခရိုင်ရှိ FED ရုံးချုပ်သို့ အလုပ်ကိစ္စဖြင့် လာကြသူများ ဖြစ်သည်။

FEDမှ လက်ထောက် ဒါရိုက်တာ ဒေါ်အိုက်ချမ်းလည်း ထိုဝန်ထမ်းများနှင့်အတူ လိုက်ပါလာရာ ၎င်းတွင် နိုင်ငံကူးလက်မှတ် ပတ်စ်ပို့ ကိုင်ဆောင်ထားသော်လည် မိမိဌာနမှ ၀န်ထမ်းများနှင့်အတူ ကားပေါ်မှ ဆင်းကျန်နေခဲ့သည်။

ဒေါ်အိုက်ချမ်းက “ပိုက်ဆံ အများကြီး အကုန်ခံပြီး ယာယီပတ်စ်ပို့ လုပ်ကြတာ အလုပ်သမားတွေ လွတ်လွတ်လပ်လပ် သွားလာချင်လို့ လုပ်ကြတာဖြစ်တယ်။ ဒီလို ခရီးသွားလာခွင့် မရရင် ဒီယာယီပတ်စ်ပို့ကို ဘယ်သူလုပ်အုံးမလဲ။ ဘယ်လို ယုံကြည် ရတော့မလဲ။ ဒါဆိုရင် လူကုန်ကူးမှုတွေ ပိုဖြစ်လာတော့မှာပေါ့။ ထိုင်းအာဏာပိုင်တွေ အနေနဲ့ ဒါမျိုး မလုပ်သင့်ပါဘူး”ဟု ပြောသည်။

ထိုင်းရဲများက မဲဆောက်မြို့ ထိုင်းလူဝင်မှု ကြီးကြပ်ရေးဌာနမှ ခရီသွားလာရန် ခွင့်ပြုချက် မပါသဖြင့် ခွင့်မပြုနိုင်ကြောင်း ပြောဆိုပြီး မဲဆောက်မြို့သို့ ပြန်လည်ပို့ဆောင် ခဲ့ခြင်းဖြစ်သည်ဟု သိရသည်။

ခရီးသွားလာခွင့် မရသည့် FED ၀န်ထမ်းနှစ်ဦးမှာ မဟေမာန်သွယ် ယာယီပတ်စ်ပို့ အမှတ် (KT- 373 704)နှင့် မောင်ချစ်ကိုကိုခင် ယာယီပတ်စ်ပို့ အမှတ်(KT-373 748)တို့ ဖြစ်ကြသည်။

FEDမှ အမှုဆောင် ဒါရိုက်တာ ဦးထူးချစ်က “ကျနော်တို့က မြန်မာအလုပ်သမားတွေအတွက် အကူအညီပေးနေတဲ့ အဖွဲ့အစည်း ဖြစ်သလို ထိုင်းနိုင်ငံအတွက်လည်း အများကြီး အကျိုးပြုနေတဲ့ အဖွဲ့အစည်း ဖြစ်တယ်။ ဒီလို အဖွဲ့အစည်းက တရားဝင် ယာယီပတ်စ်ပို့ လုပ်ထားတဲ့ ၀န်ထမ်းတွေကိုတောင် ထိုင်းရဲတွေက ဒီလို အနှောက်အယှက်ပေးရင် ရိုးရိုးသာမန် အလုပ်သမားတွေ ဆိုရင် ထိုင်းရဲတွေ လုပ်ချင်သလို လုပ်တော့မှာပေါ့”ဟု ပြောသည်။

ငွေကြေးများစွာ အကုန်အကျခံပြီး ယာယီပတ်စ်ပို့ လုပ်ထားသည့် မြန်မာရွှေ့ပြောင်း အလုပ်သမားများအတွက် မြန်မာနှင့် ထိုင်း နှစ်နိုင်ငံ အစိုးရများ ထုတ်ပြန် ပြောဆိုခဲ့သည့်အတိုင်း လွတ်လပ်စွာ သွားလာခွင့်နှင့် နေထိုင် အလုပ်လုပ်ကိုင်ခွင့်များ အာမခံချက် ရှိကြောင်း ပြသရန် လိုအပ်သည်ဟု ဦးထူးချစ်က ထောက်ပြ ပြောဆိုသည်။

ထိုင်းနိုင်ငံတောင်ပိုင်း ဖန်ငခရိုင် အခြေစိုက် FED သည် ထိုင်းနိုင်ငံတွင် တရားဝင် မှတ်ပုံတင်ထားပြီး ၀န်ထမ်းအင်အား (၉၀)ခန့်ဖြင့် အခြေခံလူထု ဖွံ့ဖြိုးရေးအတွက် ဆောင်ရွက်နေသော အဖွဲ့အစည်းတစ်ခု ဖြစ်သည်။

www.ghre.org မှ ကူးယူဖော်ပြပါသည်။





ထိုင်းရောက် မြန်မာအလုပ်သမားများအရေး (၁)

(ဓာတ်ပုံ - Photojournale)

မင်းလွမ်းနောင်

စီးပွားရေး တိုးတက်ကောင်းမွန်လျက်ရှိသော ထိုင်းနိုင်ငံ အတွင်းသို့ ရွှေမြန်မာများ တစ်နေ့တစ်ခြား ၀င်ရောက်လျှက်ရှိသည်မှာ ယခုအခါ အလုပ်သမားရေး လေ့လာဆောင်ရွက်သူများ အဆိုအားဖြင့် လူဦးရေ ၄ သန်းကျော် ရှိနေပြီဖြစ်သည်။ ထိုအထဲမှ ၁ သန်းခွဲမျှလောက်သော ရွှေမြန်မာများသည် ထိုင်းအစိုးရမှ ထုတ်ပေးသော ၁ နှစ်ခံ အလုပ်လုပ်ကိုင်ခွင့် (ထိုင်းအခေါ် “ဘတ်”)၊ ပြည်နယ်ဒေသများတွင် ၁၀ နှစ်ခံ နေထိုင်ခွင့်နှင့် နှစ်နိုင်ငံသဘောတူ ဆောင်ရွက်ထားသော ယာယီနိုင်ငံကူးလက်မှတ် ကိုင်ဆောင်ထားသူများ ဖြစ်ပေသည်။

သို့သော်အများစုမှာ မည်သည့် စာရွက်စာတမ်းမှ မရှိဘဲ တရားမ၀င် နေထိုင် အလုပ်လုပ်ကိုင်နေသူများ ဖြစ်သည့်အားလျော်စွာ အဘက်ဘက်မှ လူ့အခွင့်အရေး ချိုးဖောက်ခံနေကြရသူများလည်း ဖြစ်သည်။ တရားဝင် စာရွက်စာတမ်း ကိုင်ဆောင်ထားသော်လည်း အများစုမှာ ဖိနှိပ်ခံ၊ လူ့အခွင့်အရေး ချိုးဖောက်ခံနေရဆဲဖြစ်သည်။

အဘယ့်ကြောင့် ၀င်ရောက်လာရပါသနည်း

မြန်မာနိုင်ငံတွင် အခြေခံ စားသောက်ကုန်စရိတ် ကြီးမြင့်ခြင်း၊ အလုပ်အကိုင်ရှားပါးခြင်း၊ ရရှိသော လုပ်အားလစာနှင့် မိသားစုစားဝတ်နေရေး ပြေလည်စေရန် ဖြေရှင်းနိုင်မှုမရှိခြင်း၊ အလုပ်အကိုင်ရှိသော်လည်း ၀င်ရောက်မည့် အရည်အချင်း မရှိခြင်း၊ ကောင်မွန်သော အလုပ်အကိုင်ရှာဖွေရန် ခက်ခဲသော အခြေအနေတို့ကို အခြေခံပါသည်။ မြန်မာနိုင်ငံ၏ ငွေကြေးထက် ထိုင်းငွေကြေးက ပိုမိုမာခြင်း၊ အလုပ်အကိုင် ရှာဖွေရလွယ်ကူခြင်း၊ ရရှိသော လုပ်အားလစာမှာ ပြည်တွင်းမှရရှိသော လုပ်အားလစာထက် များခြင်း၊ အိမ်နီးချင်းနိုင်ငံဖြစ်သည့် အားလျော်စွာ တရားမ၀င် ၀င်ရောက်ရန်လွယ်ကူခြင်း တို့ကြောင့် ယနေ့ကာလတွင် ထိုင်းရောက်ရွှေမြန်မာများ ထူထပ်များပြားလာရခြင်းပင် ဖြစ်ပါသည်။

လာရောက်ကြသည့်နည်းလမ်းများ

ရေလမ်း (ကော့သောင်းဘက်) မှ လာလျှင် လူပွဲစားများ တဆင့်ဆက်သွယ်ပြီး လူစုကာ အယောက် ၃၀ အထက်တွင် လှေတစ်စီးစာ သတ်မှတ်ကာ ကော့သောင်းမှ ညလူခြေတိတ်ချိန်တွင် လှေပေါ်၌ လှဲအိပ်စေပြီး အပေါ်မှ တာလဘတ် အမိုးဖြင့်ဖုံးအုပ်ပြီး သက်ဆိုင်ရာ အာဏာပိုင်များအား လိုင်းကြေးပေးဆောင်၍ ဝင်ပါသည်။ အသက်အန္တရာယ် အလွန်များသော ခရီင်္းလမ်းဖြစ်ပြီး လမ်းခရီးတွင် ကျွန်းများ၌ နားခိုရခြင်း၊ အစာရေစာငတ်ပြတ်ခြင်း ဒဏ်များကိုခံကာ ထိုင်းနိုင်ငံတောင်ပိုင်း နန်ယွန်၊ မီးသွေးဖောင်း အစရှိသော လှေဆိပ်များသို့ သယ်ဆောင်ကာ ထိုင်းအာဏာပိုင်များနှင့် ချိတ်ဆက်လျှက် ပို့ဆောင်ရမည့် နယ်မြေဒေသများသို့ ပို့ဆောင်ပေးလေ့ရှိသည်။

ကုန်းလမ်း (ကော့သောင်းဘက်) မှ လာလျှင်လည်း လူပွဲစားများတဆင့် (သို့) အသိမိတ်ဆွေများ အကူအညီဖြင့် ရနောင်းဘက်ကမ်းသို့ တရားဝင် (သို့) တရားမ၀င် ကူးကာ ထိုင်းနိုင်ငံအတွင်းရှိ ပွဲစားများမှတဆင့် သက်ဆိုင်ရာ သွားလိုသည့်နယ်မြေများသို့ သွားရောက်လျှက် ရှိပေသည်။ ကော့သောင်းဘက်မှ ရနောင်းဘက်သို့ ကူးရာတွင် တရားဝင် ၇ ရက် အလည်အပတ် စာအုပ်ပြုလုပ်ရန် မှတ်ပုံတင်မရှိသူများက ဘတ်ငွေ ၂၀၀၀ ၀န်းကျင်၊ မှတ်ပုံတင် (၆/မဟုတ်သူများ) ရှိသူများအနေနှင့် ဘတ်ငွေ ၁၃၀၀ ခန့်ကုန်ကျခံပြီး ပြုလုပ်ပေးသော လှေသမား (သို့) ပွဲစား များမှ တာဝန်ရှိသူများနှင့် ပူးပေါင်းကာ လုပ်ဆောင်ပေးသည်။ ရနောင်းမြို့ပေါ်သို့ရောက်လျှင် စုရပ်တစ်ခုအတွင်း စုဆောင်းပြီး ကားအမျိုးစုံဖြင့် ထိုင်းနိုင်ငံအတွင်းသို့ သယ်ဆောင်ပေးခြင်းလည်း ရှိသည်။

တချို့ဆိုလျှင် လမ်းခရီး၌ အဖမ်းအဆီးခံရခြင်း၊ ယာဉ်တိမ်းမှောက်ပြီး သေဆုံးခြင်း၊ ကားအတွင်း ကျပ်တည်းစွာ လိုက်ရပြီး အသက်ရှုကျပ်ပြီး သေဆုံးခြင်းများလည်း မကြာခဏ ဖြစ်ပေါ်လေ့ရှိသည်။

မြ၀တီမှ မဲဆောက်သို့ တရားဝင် (သို့) တရားမ၀င် သွားရောက်ပြီး ကားလမ်းမှ တဆင့် ဘန်ကောက်နှင့် တခြားသော အလုပ်အကိုင်ရှိရာ ဒေများသို့ ထိုင်းဘတ်ငွေ ၁၀၀၀၀ ကျော် ပေးကာ ၀င်ရောက်ကြသူများလည်း ရှိသည်။ ထိုသို့ပို့ဆောင်ရာတွင် လူပွဲစားများနှင့် ထိုင်း လူဝင်မှုကြီးကြပ်ရေးမှ တာဝန်ရှိသူများ လက်ဝါးချင်းရိုက်ကာ လုပ်ဆောင်ပေးနေသည်။ ထိုကဲ့သို့ နည်းမျိုးစုံဖြင့် မြန်မာပြည်သားများ ထိုင်းနိုင်ငံအတွင်းသို့ ၀င်ရောက်လာကြသည်မှာ ယခုအခါ တိတိကျကျပြောရန်ပင် ခက်ခဲသော ပမာဏ ဖြစ်နေပေသည်။

နောက်ဆက်တွဲ

ထိုသို့ ဒုက္ခ ပေါင်းများစွာခံရပြီး မိမိတို့သွားလိုသော နေရပ်သို့ရောက်ရှိလျှင် ပြီးဆုံးသွားပါမည်လား။ မပြီးသေး။ အလုပ်ခွင်သို့ရောက်ရှိပြီး မကြာခဏ ထိုင်းရဲများ၏ ဖမ်းဆီးခြင်းခံရပြီး မတန်တဆသော ငွေကြေး ပေးဆောင်ပြီးမှ လွတ်မြောက်သူ၊ မပေးဆောင်နိုင်သောကြောင့် နယ်စပ်သို့ ပြန်လည်ပို့ဆောင်ခံရသူများမှာလည်း ဒုနဲ့ဒေးပင်။
တချို့ဆိုလျှင် အဆင့်ဆင့် ရောင်းစာခံရခြင်း၊ မိန်းကလေးများဆိုလျှင်လည်း မသမာသူလက်ထဲ ရောက်သွားပါက မကောင်းသည့် နေရာများသို့ အတင်းအကြပ် ရောင်းစားခံရခြင်းများ ရှိသည်။

ဧရာဝတီ ဘလော့ဒ် မှ ကူးယူဖော်ပြပါသည်။

ထိုင်းရောက် မြန်မာအလုပ်သမားများအရေး (၂)


မင်းလွမ်းနောင်

(ပထမပိုင်း ဖတ်ရှုရန်)

သာမန် လုပ်ငန်များဖြစ်သော အိမ်ဖော်အလုပ်နှင့် အထွေထွေလုပ်ငန်းများ၊ စက်ရုံအလုပ်ရုံများတွင်လည်း အလုပ်ချိန်နှင့် အချိန်ပိုကြေးများ၊ လုပ်အားလစာများ ခေါင်းပုံဖြတ်ခံရခြင်း လူ့အခွင့်အရေး ချိုးဖောက်ခံရခြင်း၊ အလုပ်သမား အခွင့်အရေး မရရှိခြင်းများဖြင့် ခေါင်းငုံခံကာ အလုပ်လုပ်ကိုင်နေကြရသည်။ ဆောက်လုပ်ရေးလုပ်ငန်းများတွင် ကန်ထရိုက်များ၊ အလုပ်ရှင်များ၏ လိမ်လည်မှု ခေါင်းပုံဖြတ်မှုများလည်း ရှိသည်။ ရော်ဘာခြံများတွင် လုပ်ကိုင်ကြသော သူများမှာလည်း အလုပ်ရှင်များ၏ လှည့်ဖျားမှု၊ နကလိန် ခေါ် ဓားပြများ၏ ရန်ကိုကြုံတွေ့နေရသည်။

ပြည်တွင်းမှ အခက်အခဲ အကြပ်အတည်းများကြောင့်သာ မျှော်လင့်ချက်ကြီးစွာ အန္တရာယ်ကို အမှုမထားဘဲ အလုပ်လုပ်ကိုင်နေကြခြင်းသာ။

ထို့အပြင် ၁ နှစ်စာ အလုပ်လုပ်ခွင့် လက်မှတ်ရှိသူများအနေဖြင့် တချို့သောအလုပ်ရှင်များ၏ ချုပ်ကိုင်ခြင်း ခံရပြီး အလုပ်အကိုင်ပြောင်းလဲရန် အခက်အခဲများရှိခြင်း၊ ယာယီနိုင်ငံကူးလက်မှတ် ရှိသူများလည်း စာအုပ်အသိမ်းခံရခြင်းတို့ ရှိသည်။ တချို့ဆိုလျှင် တရားဝင် စာရွက်စာတမ်းရှိသော်လည်း အလုပ်ရှင်များက ချုပ်ကိုင်ထားသောကြောင့် တာဝန်ရှိသူများ စစ်ဆေးသည့်အခါ ပြသရန် အထောက်အထားမရှိပေ။ ထို့ကြောင့် ငွေကြေးမကုန်သင့်ပဲ ကုန်လျှက်ရှိနေကြသည်။

ထိုင်းနယ်မြေခံရဲ အများစုနှင့် ထိုင်းလူဝင်မှုကြီးကြပ်ရေး၊ ထိုင်းအလုပ်ရှင်များ၊ ယာယီနိုင်ငံကူးလက်မှတ် ပွဲစားများအပါအဝင် ပွဲစားအမျိုးမျိုးအဖို့ မြန်မာရွှေ့ပြောင်း အလုပ်သမားများမှာ ခေါင်းပုံဖြတ် အမြတ်ထုတ်စရာ စားကျက်ဖြစ်နေပေသေးသည်။ ထိုင်းနိုင်ငံအတွင်းရှိ အလုပ်သမားရေး ဆောင်ရွက်သည့်အဖွဲ့များ၏ ထိရောက်သော ကူညီဆောင်ရွက်ပေးနိုင်မှုမှာလည်း အနည်းငယ်မျှသာ။

ထိုင်းနိုင်ငံသို့ရောက်လျှင် အလုပ်သမားမှတ်ပုံတင် ပြုလုပ်ရန် အခွင့်အရေးရပါက ပြုလုပ်ကြသည်။ ထိုမှတဆင့် ယာယီနိုင်ငံကူးလက်မှတ် တရားဝင် အလုပ်လုပ်ခွင့်ပါမစ် စသည်တို့ကို ထိုင်းဘတ်ငွေ ၂၀၀၀၀ ခန့် အကုန်အကျခံ ပြုလုပ်ကြရသည်။ ထိုကဲ့သို့ အကုန်အကျခံကာ ပြုလုပ်ထားသောလည်း အလုပ်နာမည်မတူခြင်း၊ အလုပ်ရှင်အမည် မှားယွင်းခြင်း၊ အလုပ်လုပ်သည့် နယ်နိမိတ် မမှန်ကန်ခြင်း၊ ယာယီနိုင်ငံကူးလက်မှတ်များတွင် လ၀က စာရွက်မပါရှိခြင်း၊ ရက် ၉၀ တိုင်း လဝကသို့ အကြောင်းမကြားမိဘဲ ရက်ကျော်ခြင်း၊ စစ်ဆေးသည့်အချိန်တွင် စာရွက်စာတမ်းများ လက်ဝယ်မရှိခြင်းတို့ကြောင့် စစ်ဆေးခံရသောအခါ ငွေညှစ်ခံရခြင်း၊ ဒဏ်ငွေရိုက်ခံရခြင်းများ ကြုံနေရဆဲဖြစ်ပြီး ပလိုင်းပေါက်နှင့် ဖားကောက်နေကြသကဲ့သို့ ရှိသည်။

ထို့ကြောင့် မြန်မာအလုပ်သမားများအနေနှင့် မိမိဘက်မှ စိတ်ချရအောင် အလေးထား ဆောင်ရွက်သင့်ပေသည်။ စာရွက်စာတမ်းများအား ကိုယ်နှင့်မကွာ ထားရှိခြင်း၊ အလုပ်ရှင် အမည်မတူပါက အလုပ်သမားရုံးတွင် သွာရောက်ပြီး အမည်ပြောင်းခြင်း၊ အလုပ်အကိုင်အမျိုးအစား မှန်ကန်အောင်ဖြည့်စွက်ခြင်း၊ အလုပ်ခွင်ဒေသ တူညီအောင်ပြောင်းလဲခြင်း စသည်ဖြင့် လုပ်ဆောင်သင့်သည်။
မြန်မာအလုပ်သမားများနှင့် ထိုင်းအလုပ်ရှင်

ထိုင်းအလုပ်ရှင်မှ အောက်ခြေ အထွေထွေအလုပ်သမားများကို ခေါ်ယူရာတွင် ထိုင်းလူမျိုးများကို ခေါ်ယူပါက လုပ်ခ ဈေးကြီးခြင်း၊ အလုပ်သမားအခွင့်အရေး အပြည့်အ၀ပေးရခြင်းတို့ ရှိသည်။ ထို့ကြောင့် ဈေးပေါပြီး လုပ်သမားအခွင့်အရေး ပေးရန်မလိုဘဲ ခိုင်းစေနိုင်သော၊ လွယ်ကူစွာချုပ်ကိုင်နိုင်သော မြန်မာအလုပ်သမားများကို ခေါ်ယူသုံးစွဲနေကြခြင်းဖြစ်သည်။ မြန်မာအလုပ်သမားများက အလုပ်ကြိုးစားသောကြောင့်လည်း ထိုင်းအလုပ်ရှင်များက ခေါ်ယူလိုကြသည်။

မြန်မာအလုပ်သမား တချို့တလေသာ အလုပ်ရှင်အား ပေးရန်ရှိသော အကြွေးများကို မပေးဘဲ ထွက်ပြေးခြင်း၊ အလုပ်သစ်ရှာခြင်းတို့ ရှိသည်။

ကူညီဆောင်ရွက်ရန်

ထိုင်းရောက် မြန်မာအလုပ်သမားအရေးအား ဘန်ကောက်ရှိ မြန်မာသံရုံး၊ အလုပ်သမားအရေး ဆောင်ရွက်နေသော NGO အဖွဲ့အစည်းများ၊ ထိုင်းအာဏာပိုင်များက လူကုန်ကူးမှု တာဆီးရေးပညာပေးခြင်း၊ အလုပ်သမား အခွင့်အရေးဆိုင်ရာများနယ်မြေအလိုက် ဟောပြောပညာပေးခြင်း၊ အလုပ်ရှင်နှင့် အလုပ်သမားကြားနားလည်မှု ရရှိစေရန် ထိရောက်စွာ ညှိနှိုင်းပေးခြင်း၊ ခေါင်းပုံဖြတ် ဖိနှိပ်စော်ကားခြင်းတို့ကို ပူးပေါင်းပြီး ထိရောက်စွာ အကူအညီပေးခြင်းများဖြင့် ဆောင်ရွက်သင့်ပေသည်။

နယ်မြေအလိုက် အလုပ်သမားအရေး ဆောင်ရွက်ပေးနေသော အဖွဲ့အစည်းများနှင့် အလုပ်သမားများအကြား နွေးထွေးသော ဆက်ဆံရေး ရှိရန်လည်း လိုအပ်သည်။ အလုပ်သမားများအနေဖြင့်လည်း လက်လှမ်းမှီသလောက် ပတ်ဝန်ကျင်အတွင်း ထပ်ဆင့်ပြန်လည် ဖြန့်ဝေခြင်း၊ ဆွေးနွေးခြင်းများကို ၀ိုင်းဝန်ဆောင်ရွက်သင့်ပေသည်။