မင်္ဂလာပါ ... ကြွရောက်လာကြသော မိတ်သင်္ဂဟအပေါင်းတို့ကို "မြန်မာအလုပ်သမားများကွန်ယက်" ဆိုဒ်မှ နွေးထွေးစွာဖြင့် ကြိုဆိုပါတယ်ခင်ဗျာ....

မဲဆောက်မြို့ရှိ မြန်ဘုန်းတော်ကြီးကျောင်းအား ထိုင်းတချို့က အဓ္မပြု မောင်းချနေခြင်း

မဲဆောက်မြို ဘာဝနာနိရာမတောရကျောင်းဆရာတော် ဘဒ္ဒန္တမဟိန္ဒ အား ထိုင်းသတင်းစာအယ်ဒီတာတစ်ဦးက ဦးဆောင်၍ ခြိမ်းခြောက်နေမှု အား ဗုဒ္ဓဘာသာဝင် ထိုင်း-မြန်မာ အပေါင်းတို့ မှာ စိုးရိမ်ပူပန်နေရသည်။ ထိုကြောင်းမှာ အလွန်ကျယ်ဝန်းပြီး ဟိုးယခင်ကတည်းက မြန်မာ ဆရာတော်ကြီးများကိုယ်ပိုင် ပိုင်ဆိုင်ခဲ့သောကျောင်းဖြစ်ပါတယ်။ ဆရာတော်
ကျောင်းထိုင်းလာသည်မှာလည်းနှစ်ပေါင်း ၄၀ရှိပြီဖြစ်ပါတယ်။ ဆရာတော်ကြီးဟာကရင်လူမျိုးဖြစ်ပြီး
မဲဆောက်ရှိ မြန်မာ၊ ကရင်၊မွန်၊ မူစလင်၊ဟင်ဒီ ကျောင်းသား၊ အပေါင်းတို့ အားကိုးမှီခိုနေရသောတခုတည်းသောကျောင်းဖြစ်ပါတယ်။ နာဂစ်မုန်တိုင်း တိုက်ခတ်ခဲ့စဉ်က
ဆရာတော်ဦးစီးပြီး အလျူငွေများကောက်ခံပေးခြင်း၊ သပိတ်အိုင်ဆရာတော်ဦးညဏသာရ ကိုယ်တိုင်
လာရောက်တရားဟောခဲ့သောကြောင်းလည်းဖြစ်ပါတယ်။

အကြောင်းမှာ လက်၇ှိကျောင်းထိုင်ဆရာတော်သည် ထိုင်းနိုင်ငံသားလက်မှတ်မရှိသည်ကို အကြောင်းပြ၍ ဖေါ်ပြပါထိုင်းနိုင်ငံသားအချို့ 
(ရယောက်ဝန်းကျင်)မှ ထိုင်းနို်င်ငံသားလက်မှတ် ကိုင်ဆောင်ထားသည့် ထိုင်းကရင် လူမျိုး ဆရာတော်ကြီးထက် ၀ါတော်များစွာငယ်သည့် ကိုယ်တော်တပါး
အား ကျောင်းထိုင်တင်ရန် ကြိုးစားခဲ့ကြသည် ။ ၄င်းကိစ္စနှင့် ပတ်သတ်၍ ၂၅-၁၀-၂၀၁၁ တွင် မဲဆောက်ရှိထိုင်းအာဏာပိုင်များ သံဃာ့
နာယက ဆရာတော် ကြီးများ မှ လာရောက်ဖြေရှင်းပေးခဲ့ကြပါသည် ။
ဆုံးဖြတ်ချက်မှာ - မူလကျောင်ထိုင်ဆရာတော်ကြီးဘဒ္ဒန္တမဟိန္ဒ ကိုသာဆက်လက် တစ်နှစ်ခြောက်လ ကျောင်းထိုင်အဖြစ် ဆက်လက် တာဝန်ယူစေပြီး ထိုင်နိုင်ငံတွင် နှစ်ပေါင်း၄၀ နီးပါ သာသနာေ၇းကို ဆောင်ရွက်ခဲ့သည့်အတွက် ထိုင်းဒကာတို့ နှင့် သံဃာတော်များမှ ထိုင်နိုင်ငံသား လက်မှရရှိရန်ဝိုင်းဝန်းကြိုးစားပေးကြရန် နှင့် ထိုင်းလက်မှတ်အပြည့်အစုံရလျှင်ဘဒ္ဒန္တမဟိန္ဒ အား ကျောင်းထိုင်ဆရာတော်ကြီးအဖြစ် ထပ်မံအသိအမှတ်ပြုအောင်ပွဲကျင်းပရန် မဲဆောက်သာသနာပိုင်များမှ ဆုံးဖြတ်ခဲ့ကြသည်။

ထိုဆုံးဖြတ်ချက်ပြီးနောက် ၂၅-၁၀-၂၀၁၁ ည ၇း၀၀ အချိန်တွင် ဖေါ်ပြပါ သတင်းဂျာနယ် အယ်ဒီတာ မှဦးဆောင်၍ ရဲများကို ခေါ်ပြီးနိုင်ငံသားလက်မှတ်မရှိသည့် ကျောင်းထိုင်အား သံဒေါက်မှု (လက်မှတ်မရှိ သည့်အမှု) နှင့်ဖမ်းဆီးရန် ကျောင်းရှေ့ ပရ၀ဏ်တွင်
ဝိုင်းထားကြသည် ။ဆရာတော်မှ ၀ရန်းမပါသည့်အတွက် အဖမ်းမခံပဲ ကျောင်းပေါ်တွင်ပင် သီတင်းသုံးလျှက်ရှိနေသည် ဆရာတော်အတွက်စိုးရိမ်သော ဒကာဒကာမများ ၅၀ ၀န်းကျင်းဝန်းရံ လာသဖြင့် ရဲများ ပြန်သွားကြသည်။ထိုညတွင်ပင် ၂း၀၀၀န်းကျင်၌ သတင်းအယ်ဒီတာ စစ်စမ် ဦးဆောင်၍ ဆရာတော် ကောင်းမွန်စွာ မကျိမ်းနိုင်ရန် အနှောက်အယှက်မျိုးစုံပြုခဲ့ကြသည် ။မြန်မာဒကာများထိုင်းဒကာအချို့ က ဆရာတော်အား အကာအကွယ်ပေးပြီးကျောင်း၌ပင် ညမအိပ်ပဲစောင့်ခြ့ကြရသည်။ ၂၆-၁၀-၂၀၀၁၁ ည ၁၀း၀၀ ကျော်တွင် ၄င်းသတင်းအယ်ဒီတာနှင့်အတူ နောက်လိုက်တပည့်များ က ဆရာတော်ကြီးသီတင်းသုံးသောကျောင်းပတ်လည်သေနတ်ရှည်တစ်လက်ကိုင်ပြီး လမ်းလျောက် ၍ ခြိမ်းခြောက်သမှုပြုခဲ့ကြသည် ။တပည့်ဒယကာများမှ ဆရာတော်ကြီးအား ဆက်လက်၍ မအိပ်မနားဝိုင်းဝန်းစောင့်ရှောက်နေကြသည်။၂၇-၁၀-၂၀၁၁ ည ၁၀း၃၀တွင်
၎င်းသတင်းစာအယ်ဒီတာမှ ရဲ ၁၀ယောက်ခန့် ခေါ်ပြီး ဆရာတော်ကြီးအားလာရောက်စောင့်ရှောက်နေသည့်ဒကာများအားဖမ်းဆီးခိုင်းခဲ့သည်။ရဲမှ ဘတ်များစစ်ဆေးပြီး မပြန်လျှင် ဖမ်းသွားမည်ဟုခြိမ်းခြောက်ခဲ့ရာ မြန်မာဒကာများမှ တဦးချင်းဖန်းဆက်၍ အကြောင်းကြားခဲ့ရာ ဒကာ ၅၀ကျော်ဝန်ရံလာပြီး ဆရာတော်ကြီး၏ကျောင်းဒကာ ထိုင်းအဖိုးအိုမှ လာရောက်ဖြေရှင်းပေးခဲ့သဖြင့် ရဲများပြန်သွားခဲ့သည်။ ဤကဲ့သို့  ညအချိန်မတော်မှ ဆရာတော်ကြီးအား နည်းပေါင်းစုံဖြင့် ခြိမ်းခြောက်နေခြင်း ဆရာတော် အာကာကွယ်စောင့်ရှောက်နေသည့် ဒကာဒကာမများအား ရန်လိုခြိမ်းခြောက်နေခြင်း တို့ နေ့ စဉ်ရက်ဆက် ပြုလုပ်နေသည်မှာ ဗုဒ္ဓဘာသာဝင်များ အမြင်ဖြင့်အင်မတန် အရုပ်ဆိုး အကျည်းတန် လှပါသည်။ သို့ အတွက်ကြောင့် မဲဆောင်တွင်ရှိနေသော မြန်မာအလုပ်သမားများ တော်လှန်ရေး အဖွဲ့ အစည်း များမှ မခံမရပ်နိုင် ဖြစ်သဖြင့် နေ ည အလှည့်ကျ ကျောင်းရှေ့ဝန်းကျင်တွင်စောင့်ကြည့်ပေးနေရပါသည် .နေ့  ၂၈-၁၀-၂၀၁၁ တွင် ၄င်းသတင်းစာအယ်ဒီတာ နှင့် အဖွဲ့ မှ ပြင်ပသို့ ထွက်သွားပြီး ဆရာတော်နှင့်အတူ ဆရာတော်အားစောင့်ရှောက်နေကြသော အဖွဲ့ အစည်းအသီးသီး နှင့် ရွှေ့ ပြောင်းအလုပ်သမား အချို့ အား ဖမ်းဆီးရန် အကြမ်းဖက်မောင်းထုတ်နိုင်ရန် အစီအစဉ်ရှိကြောင်းသတင်းရရှိပါသည်။
ပုံတွင်ပါသော နှုတ်ခမ်းမွေး နှင့် ကုတ်အကျီ င်္အနက်ဝတ်၍ လက်နှင့်ညွန် ပြနေသူ (Get Wind of News ) သတင်းစာ အယ်ဒီတာစစ်(ခ်)စမ် (ဖုန်း-- ၀၈၁၄၀၄၂၀၀၂) ဦးဆောင်သည့် ၄င်းသတင်းစာတိုက် အဖွဲ့ ဝင် တစ်ချို့ပါသော ထိုင်းနိုင်ငံသားများမှ တောရကျောင်းမဲဆောက်မြို့တွင်နှစ် ၄၀နီးပါး သီတင်းသုံးခဲ့ပြီး၂၂နှစ်ကြာ တောရကျောင်းထိုင် အဖြစ် သီတင်းသုံးခဲ့သော ဆရာတော် ဘဒ္ဒန္တမဟိန္ဒ
အား မြန်မာနိုင်ငံသား ဘုန်းကြီးဖြစ်သည်ကို အကြောင်းပြု၍ တောရကျောင်းထိုင်အဖြစ်မှ ၄င်းတောရကျောင်းမှ လည်းကောင်း မောင်းထုတ်နိုင်ရန် ဥပဒေအားဖြင့်တနည်း ခြိမ်းခြောက်သောအားဖြင့်တနည်း ကြိုးစား အားထုတ်နေသည်မှာ ဗုဒ္ဓဘာသာဝင် တို့ အဖို့ အရှက်ရဖွယ် ကိစ္စဖြစ်သလို ထိုင်းမြန်မာဗုဒ္ဓသာသနာ အတွက် လည်း ဂုဏ်သိက္ခါငြိူးနွမ်းစေသည့်ဖြစ်ရပ်ဖြစ်သည်။



သူဖုန်းကိုခေါ်ပြီး ကန်ကွက်ပေးကြပါရန်ပန်ကြားပါတယ်။
ဆရာတော်ကြီးကိုနှောက်ယှက်နေသူနာမည်- စစ်(ခ်)စမ် (ဖုန်း-- ၀၈၁၄၀၄၂၀၀၂)
ကလေးကိုဖက်ထားသူ ဟာ စစ်ခ်စမ်း ဖြစ်တယ်။

မြန်မာပြည်တွင်းရှိသူများက ထိုင်းသံရုံးကိုကန့် ကွက်စာပို့ ပါ။
အမေရိကန်နိင်ငံဆိုင်ရာထိုင်းသံရုံးကိုဖုံးဆက်ကြပါ။ ကန်ကွက်ကြပါ။

ရေ ကြီးပြီး စက်ရုံတွေ ပိတ်ထားရတာကြောင့် အလုပ်ပြတ်သူနဲ့ အိမ်ပြန်သူ မြန်မာတွေ ပိုများလာ

ထိုင်းမှာ ရေကြီးလို့ မြန်မာပြည်ပြန်တဲ့ လုပ်သမားတွေကို နယ်ခြားစောင့်တပ်က လူတယောက်ကို ဘတ် ၂,၅၀၀ ကောက်ခံ

ဘန်ကောက်ရေကြီးမှုတွင် ကူကယ်ရာမဲ့နေသည့် မြန်မာအလုပ်သမားများ

လက်မှတ်မရှိသည့် မြန်မာအလုပ်သမားများ ရေဘေးလွတ်ရာ သွားခွင့်ရရေး ထိုင်းအစိုးရ စီစဉ်

အလုပ်သမားလက်မှတ်နဲ့ အထောက်အထားမရှိတဲ့ မြန်မာအလုပ်သမားတွေ ရေဘေးလွတ်ရာ သွားလာခွင့်ရဖို့အတွက် ထိုင်းအစိုးရက ဆောင်ရွက်နေတယ်လို့ ထိုင်းအလုပ်သမားရေး ၀န်ကြီး ဖဒိန်ချိုင်းက ပြောပါတယ်။

photo-reuters

မြန်မာရေဘေးဒုက္ခသည်တွေ ခိုလှုံနေတဲ့ ဘန်ကောက်အနောက်ဘက်က နခွန်ပထုံခရိုင် ၀ပ်ရိုက် ခင်ဝစ်ထယာ ဘုန်းကြီးကျောင်း ရေဘေးဒုက္ခသည်စခန်းမှာ ခုလို ၀န်ဆောင်မှုပေးတာကို ယာယီလုပ်ဆောင်မှာ ဖြစ်တယ်လို့ ပြောကြောင်း ၀န်ကြီးနဲ့ ဆွေးနွေးခွင့်ရခဲ့တဲ့ HRDF ခေါ် လူ့အခွင့်အရေးနဲ့ ဖွံ့ဖြိုးရေးဖောင်ဒေးရှင်းက ပြောပါတယ်။

HRDF အဖွဲ့ ပြောခွင့်ရ ဦးစိန်ဌေးက “ဘာလက်မှတ်မှ မရှိတဲ့အလုပ်သမားတွေ ဆိုရင်လည်း အလုပ်သမားဝန်ကြီးဌာန ရေဘေးစခန်းမှာ လာပြီးနေထိုင်ဖို့၊ သူတို့ကနေ သက်ဆိုင်ရာ နိုင်ငံသံမှူးတွေကို ဆက်သွယ်ပြီးတော့ နိုင်ငံသားဖြစ်ကြောင်း အထောက်အထားတခု ဆောင်ရွက်ပေးဖို့ စီစဉ်ထားတယ်။ ခေတ္တနေထိုင်ခွင့် ရလာမယ်ဆိုရင် မြန်မာပြည်ကို ပြန်မယ်ဆိုရင်လည်း လုံခြုံစွာ ပို့ဆောင်ပေးမယ်လို့ အဲလိုမျိုး စီစဉ်ထားပါတယ်။ ဒုက္ခရောက်နေတဲ့အချိန်မှာ ဖမ်းဆီး ချုပ်နှောင်တာမခံရအောင် ယာယီ စီစဉ်ထားပေးတဲ့ သဘောပဲ” လို့ ပြောပါတယ်။

မြန်မာအလုပ်သမားတွေရဲ့ ယာယီနိုင်ငံကူးလက်မှတ်နဲ့ ပြည်ဝင်ခွင့် ဗီဇာရှိသူတွေရဲ့ စာရွက်စာတမ်းတွေ သိမ်းထားတဲ့ အလုပ်ရှင်တွေကိုလည်း ပြန်ပေးအပ်ဖို့ အလုပ်သမားရေးဝန်ကြီးက အလုပ်ရှင်တွေကို ညွှန်ကြားလိုက်ပြီလို့ ဆိုပါတယ်။

ဒါ့အပြင် အလုပ်သမားတွေဟာ မိမိတို့ရဲ့ သက်တမ်းကုန်ခါနီး ဗီဇာတွေကို နီးစပ်ရာ လ၀ကရုံးတွေမှာ သွားလုပ်နိုင်ဖို့ လူဝင်မှုကြီးကြပ်ရေးဌာနကို အကြောင်းကြားထားတယ်လို့ ပြောကြားကြောင်း ဦးစိန်ဌေးက ဆိုပါတယ်။

ထိုင်းနိုင်ငံအတွင်း ယာယီလုပ်ကိုင်ခွင့် အလုပ်သမားလက်မှတ် ရရှိ ကိုင်ဆောင်ထားသူတွေဟာ ရေလွှမ်းမိုးနေတဲ့ခရိုင်တွေကနေ ရှောင်တိမ်းသွားကြတုန်း လမ်းခရီးမှာ မဖမ်းဆီးဖို့ ရဲဌာနတွေကို အကြောင်းကြားထားပြီ်လို့လည်း ထိုင်းအစိုးရ အလုပ်သမားရေးဝန်ကြီးက ပြောကြောင်း ဦးစိန်ဌေးက ဆိုပါတယ်။

ရေဘေးကျရောက်နေခြင်း မရှိတဲ့ ပုံမှန်အခြေအနေမှာ အလုပ်သမား လက်မှတ် ကိုင်ဆောင်ထားသူတွေဟာ ကန့်သတ်နယ်မြေတွေကလွဲပြီး တခြားခရိုင်တွေကို ဖြတ်ကျော်ခွင့် မရှိပါဘူး။

ဝပ်ရိုက်ခင်ဝစ်ထယာ ဘုန်းကြီးကျောင်း ရေဘေးဒုက္ခသည်စခန်းမှာ ယာယီခိုလှုံနေတဲ့ မြန်မာအလုပ်သမားတဦးက မြန်မာတွေ အိမ်ပြန်လမ်း ခရီးတလျှောက် အရေးယူဖမ်းဆီး ခံရတာတွေ၊ ငွေညှစ်ခံရတဲ့ ကိစ္စတွေကို အလုပ်သမားရေး ၀န်ကြီးဌာန၀န်ကြီးနဲ့ အတူပါလာတဲ့ ဒု-၀န်ကြီးချုပ်တို့ကို အဲန်ဂျီအိုတွေက တင်ပြဆွေးနွေးတာကို ကြားသိရတယ်လို့ ပြောပါတယ်။

“ဒီမှာ ထိုင်းလိုတတ်တဲ့ အလုပ်သမား စကားပြန်တယောက်ရှိတယ်။ သူပြောတာတော့ ကျနော်တို့ ဗမာပြည်သားတွေ ပြန်ကြတဲ့အခါမှာ ဂိတ်တွေမှာ ဆွဲချတာ၊ ၉၉၉ ဂိတ်မှာ ဆွဲချတာတို့၊ ပိုက်ဆံပေးရွေးရတာတို့ ဘာတို့အဲဒါတွေလည်း ထည့်ဆွေးနွေးသွားတယ်လို့ ပြောတယ်။”

နခေါင်ပထုံခရိုင်မှာရှိတဲ့ ၀ပ်ရိုက် ခင်ဝစ်ထယာ ဘုန်းကြီးကျောင်း ရေဘေးဒုက္ခသည်စခန်းမှာ ဘန်ကောက်မြို့အနားက နုံထဘူရီ၊ အယုဒ္ဒယနဲ့ စမွတ်ပရာကန် စတဲ့ ရေလွမ်းခရိုင်တွေက က​မ္ဘောဒီး​ယား၊ လာအိုနဲ့ မြန်မာ အလုပ်သမား ၅၀၀ ခန့် လာရောက် ခိုလှုံနေကြပြီး မြန်မာက အများဆုံး ဖြစ်ပါတယ်။


DVB သတင်းဌာနမှ ကူးယူဖော်ပြပါသည်။

မြန်မာ ရေဘေး ဒုက္ခသည်များကို ထိုင်း လ၀က ငွေညှစ်

ထိုင်းနိုင်ငံ ရေကြီးမှုကြောင့် ဘန်ကောက်မြို့မှ ရာနှင့်ချီသည့် နေရပ်ပြန် မြန်မာ အလုပ်သမားများကို လူဝင်မှုကြီးကြပ်ရေး (လ၀က)နှင့် ထိုင်းအာဏာပိုင်များက လမ်းခရီးနှင့်မဲဆောက်မြို့ရှိ စစ်ဆေးရေးဂိတ်များတွင် ဖမ်းဆီး၍ငွေကြေးကောက်ခံနေကြ သည်။

ထိုင်းအာဏာပိုင်များက ဖမ်းဆီး၍ မဲဆောက်သို့ ပို့ဆောင်မည့် မြန်မာ အလုပ်သမားများကို အချုပ်ကား တစီးပေါ်တွင်တွေ့ရစဉ် (ဓာတ်ပုံ - စိုင်းစိုးဝင်းလတ်)

မြန်မာ အလုပ်သမား ၃၀၀၀ ခန့်ရှိ အပြည့်အကြပ်တင်ထားသော ဘတ်စ်ကား ၁၃ စီးနှင့် မီနီဗင်၂ စင်းတို့ကို အောက်တိုဘာ ၂၅ ရက်နေ့က ၁ နာရီ မှ ၄ နာရီအတွင်း ထိုင်းနိုင်ငံ မဲဆောက်မြို့မှ မြန်မာနိုင်ငံ မြ၀တီမြို့တဖက်ကမ်းသို့ ထိုင်းအာဏာပိုင်များက ပို့ဆောင်ခဲ့သည်ကို တွေ့မြင်ခဲ့ရကြောင်း စိုင်းစိုးဝင်းလတ်က ပြောပြသည်။

ယင်း ကားများပေါ်တွင် ကလေးငယ်များ နှင့် ဖျားနာနေသူများလည်း ပါဝင်သည်ဟုလည်း ၎င်းက ဆိုသည်။

“အဲဒီ အမျိုးသမီးတဦးက လမ်းဆိုတာ လျှောက်နိုင်ရုံလေးပါ၊ သူတို့ကို တိရစ္တာန်တွေ တင်တဲ့ ကားမျိုးထဲမှာ ပြည့်ကြပ်နေ အောင် ထည့် တင်သွားတာက လူ့အခွင့်အရေး ချိုးဖောက်မှု တခုပါ၊ ဂိတ်မှာ အလုပ်လုပ်နေသူတွေကလည်း သူတို့ကို ဖယ်ရီပေါ်ကို နွားတွေလို မောင်းတင်နေတယ်”ဟု စိုင်းစိုးဝင်းလတ်က ဆက်ပြောသည်။

ပြန်ပို့ခံရသော မြန်မာအလုပ်သမားများ လှေပေါ်သို့ တက်နေစဉ် (ဓာတ်ပုံ - စိုင်းစိုးဝင်းလတ်)

အဖမ်းခံရသည့် မြန်မာ အလုပ်သမား အများစုသည် ထိုင်းတွင် တရားဝင်နေထိုင် လုပ်ကိုင်ခွင့်လက်မှတ် ရရှိရန် မှတ်ပုံတင် ထားသူများ ဖြစ်ကြောင်း အလုပ်သမားအရေး ဆောင်ရွက်နေသည့် အဖွဲ့များက ဆိုသည်။

ထို မှတ်ပုံတင်ထားသူများတွင် သတ်မှတ်ထားသော အလုပ်နှင့် နယ်မြေကန့်သတ်ထားခြင်း ခံရသူများ ပါဝင်ကြောင်း သိရ သည်။

ထိုင်းအာဏာပိုင်များက ယင်းအလုပ်သမားများကိုဖမ်းဆီးရခြင်းမှာ ရေဘေးကြောင့်ထွက်ပြေးလာသော်လည်း နယ်ကျော်သော ကြောင့်ဖြစ်သည်ဟု အကြောင်း ပြခဲ့သည်။

သို့သော်လည်း အဖမ်းခံရသူများသည် ထိုင်း ဘတ်ငွေ ၂၈၀၀ ခန့် ပေးဆောင်ပါက ပြန်လည်လွှတ်ပေးကြောင်း မကြာသေးခင် ရက်ပိုင်းက မဲဆောက်တွင် အဖမ်းခံရပြီး ပြန်လွတ်လာသူ တဦးက ပြောသည်။

သောင်ရင်းမြစ်ကို လှေဖြင့်ဖြတ်၍ ပြန်ပို့ခံရသည့် မြန်မာအလုပ်သမားများ (ဓာတ်ပုံ - စိုင်းစိုးဝင်းလတ်)

“ကျနော်က ထိုင်း လ၀က ကို ပိုက်ဆံ ၂၈၀၀ ပေးပြီး ပြန်လွတ်လာတာ၊ အခု ဘယ်သွားသွား သွားလို့ရတယ်”ဟု ၎င်းက ဆို သည်။

ထိုသို့ ဖြစ်ပွားနေမှုများနှင့် ပတ်သက်ပြီး ဧရာဝတီ က မဲဆောက် လ၀က ဌာနကို ဆက်သွယ်မေးမြန်းသော်လည်း ပြန်လည်ဖြေ
ကြားခြင်း မရှိချေ။

မြ၀တီမြို့သို့ ပြန်ပို့ခံရသည့် တခြားသော အလုပ်သမား တဦးကလည်း“DKBA (တိုးတက်သော ဗုဒ္ဓဘာသာ ကရင်အမျိုးသား တပ်မတော်)ဂိတ်ကို ဘတ် ၂၅၀၀ ပေးလိုက်ရတယ်”ဟု ပြောပြသည်။

ယခုလလယ်ပိုင်းကလည်း ဘန်ကောက်မြို့မှ နေရပ်ပြန် မြန်မာအလုပ်သမားများကို မြ၀တီမြို့တွင် DKBA နှင့် လူပွဲစားများ ပူးပေါင်း၍ အဓမ္မ ငွေတောင်းခံမှု ပြုလုပ်ခဲ့သည်။

မြန်မာနိုင်ငံဘက်သို့ ပြန်မပို့မီ မဲဆောက် လ၀က ရုံးတွင် တွေ့ရသော မြန်မာနိုင်ငံသား အမျိုးသမီးများကို တင်ဆောင်ထား သည့် ကားတစီး (ဓာတ်ပုံ - စိုင်းစိုးဝင်းလတ်)

လူ့ အခွင့်အရေးနှင့် ဖွံ့ဖြိုးရေး ဖောင်ဒေးရှင်း(HRDF)မှ ညွှန်ကြားရေးမှူး အန်ဒီ ဟောလ်က အလုပ်သမားများအပေါ် ယင်းသို့ပြုလုပ်နေမှုများနှင့် ပတ်သက်၍ လက်ခံနိုင်ဖွယ် မရှိကြောင်း၊ ၂ နိုင်ငံ အစိုးရက အလျင်အမြန် အရေးယူဆောင်ရွက်သင့်ကြောင်း ဧရာဝတီသို့ ပြောသည်။
“ဒုက္ခရောက်လာသူတွေဆီကနေ အကျိုးအမြတ်ယူနေတဲ့ အရာရှိတွေရဲ့လုပ်ရပ်က ဆိုးဝါးလွန်းတယ်”ဟု ၎င်းက ဆိုသည်။

ယမန်နေ့က ပထုံဌာနီ ဒေသ လိုင်ခိုင် ဘုန်းကြီးကျောင်းရှိ ရေဘေး ကယ်ဆယ်ရေး စခန်းသို့ လာရောက်သည့် ထိုင်း ဒု ၀န်ကြီး ချုပ်နှင့် အလုပ်သမား ၀န်ကြီးတို့ကို တွေ့ဆုံခဲ့ပြီး အလုပ်သမားအရေး ဆွေးနွေးခဲ့ကြောင်း အန်ဒီ ဟောလ်က ဆက်ပြောသည်။

“မြန်မာသံရုံးနဲ့ လက်တွဲပြီး ပြဿနာတွေကို ဖြေရှင်းဖို့ပြောတော့ သူတို့က ဆောင်ရွက်နေပြီလို့ ပြောပါတယ်”ဟု ၎င်းက ရှင်းပြ သည်။

ထိုင်းရှေ့နေ စူလဖောင်ကလည်း“ဘန်ကောက်မှာ ရေကြီးလို့ ဒုက္ခရောက်ပြီး ပြန်လာတဲ့ လူတွေကို ကူညီသင့်တယ်၊ ထပ်ပြီး ဒုက္ခထပ်ရောက်အောင် မလုပ်သင့်ဘူး”ဟု ပြောသည်။

စူလဖောင် သည် ထိုင်းလွှတ်တော်၏ နိုင်ငံမဲ့များဆိုင်ရာ ဥပဒေပြဌာန်းရေး ဆပ်ကော်မတီဝင် လွှတ်တော် အမတ် တဦးဖြစ် သည်။

ထိုင်း ရေကြီးမှုကြောင့် မြန်မာအလုပ်သမားများ ရပ်တည်ရန် အခက်အခဲနှင့် ရင်ဆိုင်နေရပြီး ယခင်တပတ် စနေနေ့မှ စတင်၍ နေ့စဉ် လူ ထောင်နှင့်ချီ၍ နေရပ်သို့ ပြန်နေခဲ့ကြသည်။

ထိုင်းတွင်ရောက်ရှိနေကြသည့် မြန်မာ အလုပ်သမားများက နေရပ် ဒေသအသီးသီးသို့ ပြန်လျှင် မြ၀တီနယ်စပ် လမ်းကို အများဆုံး အသုံးပြုကြခြင်းမှာ မြ၀တီ-ရန်ကုန် ခရီး အကွာအဝေး၂၆၅ မိုင်ကို ကားဖြင့် ၁၄ နာရီခန့်သာ သွားရခြင်းကြောင့် ဖြစ်သည် ဟု သိရသည်။

ထိုင်းနိုင်ငံအတွင်း နေထိုင် အလုပ်လုပ်နေသော မြန်မာနိုင်ငံသား၂ သန်းမှ ၄ သန်းကြားရှိကြောင်း အလုပ်သမားအရေး ဆောင် ရွက်နေသူများက ပြောဆိုကြသည်။


ဧရာဝတီသတင်းဌာနမှ ကူးယူဖော်ပြပါသည်။


ထိုင်း​ရေကြီး​မှု​ကြောင့်​ ​နေရပ်ပြန်မြန်မာအလုပ်သမား​များ​ ဒဏ်​ငွေတပ် ဖမ်း​ဆီး​ခံရ

ထိုင်း​ နိုင်ငံ​ရေလွှမ်း​လို့​ပိတ်ထား​ရတဲ့​အလုပ်ရုံ​တွေက မြန်မာအလုပ်သမား​တွေ ​နေရပ်အပြန် လမ်း​မှာ ဒဏ်​ငွေရိုက်၊​ ဖမ်း​ဆီး​ခံ​နေရပါတယ်။

နေရပ်ပြန်မြန်မာအလုပ်သမားအချို့ကို မဲဆောက်လူဝင်မှုကြီးကြပ်ရေးရုံးတွင် တွေ့ရစဉ်

ရေကြီး​မှု​ ကြောင့်​ မြန်မာအလုပ်သမား​တွေ ​ထောင်နဲ့​ချီ ​နေရပ်ပြန်ကြရာ လမ်း​တ​လျှောက် စစ်​ဆေး​ရေး​ဂိတ်​တွေမှာ ထိုင်း​ပုလိပ်​တွေက အလုပ်သမား​လက်မှတ်ရှိသူ​တွေကို နယ်​ကျော်သွား​လာမှု​တွေနဲ့​ဒဏ်​ငွေရိုက်ပြီး​ လက်မှတ်မရှိသူ​တွေကို ဖမ်း​ဆီး​ထား​တယ်လို့​ မြန်မာအလုပ်သမား​တဦး​က ​ပြောပါတယ်။

“မဲ​ဆောက်​ ရောက်တဲ့​အခါကျ​တော့​ မဲ​ဆောက်ရဲ​တွေက ဖမ်း​ပြီး​တော့​ ပိုက်ဆံ​တောင်း​တာရှိတယ်။ စာရွက်စာတမ်း​စစ်​ဆေး​တယ်။ ဟိုဟာမပြည့်​စုံဘူး​။ ဒီဟာမပြည့်​စုံဘူး​ဆိုပြီး​ ပိုက်ဆံ​တောင်း​တာ​ပေါ့​။ အဲဒါက မဲ​ဆောက်မှာ။”

နယ်ခံပုလိပ်​ တွေနဲ့​သိတဲ့​ တချို့​အလုပ်သမား​တွေက​တော့​ ထိုင်း​ကား​သမား​ ​တွေကို ဘတ် ၄,၀၀၀ – ၅,၀၀၀ နဲ့​ ငှား​ပြီး​ မဲ​ဆောက်အ​ရောက် လိုက်ပို့​ခိုင်း​တယ်လို့​ ဆိုပါတယ်။

မဲ​ဆောက်ကို နည်း​အမျိုး​မျိုး​နဲ့​ ဖြတ်သန်း​လွတ်​မြောက်လာတဲ့​ မြန်မာအလုပ်သမား​တွေဟာ မြဝတီနား​က ၉ သုံး​လုံး​ဂိတ်မှာ နယ်ခြား​စောင့်​တပ်ဖွဲ့​ရဲ့​ ပြည်ဝင်ခ​ကောက်တာ ခံရတယ်လို့​ ဆိုပါတယ်။

“ဟိုဘက်​ရောက်သွား​လို့​ရှိရင် ၉၉၉ ဂိတ်မှာ အကြီး​အကျယ် အ​တောင်း​ခံရတယ်။ လူတ​ယောက်ကို ဘတ် ၂၅၀၀ ​ပေး​ရတယ်။”

ထိုင်း​ ပုလိပ်နဲ့​ မြန်မာနယ်စပ် နယ်ခြား​စောင့်​တပ်ဖွဲ့​တွေက ဒုက္ခ​ရောက်​နေတဲ့​ မြန်မာအလုပ်သမား​တွေကို ဖမ်း​ဆီး​ဒဏ်ရိုက် ​ငွေ​ကောက်ခံ​နေတာ​တွေကို ထိုင်း​၊​ မြန်မာ နှစ်ဖက်လုံး​က သက်ဆိုင်ရာအာဏာပိုင်​တွေကို တင်ပြမယ်လို့​မြန်မာအလုပ်သမား​တွေကို အကူအညီ​ပေး​နေတဲ့​ HRDF ​ခေါ် လူ့​အခွင့်​အ​ရေး​နဲ့​ဖွံ့​ဖြိုး​ရေး​ဖောင်​ဒေး​ရှင်း​ အကြံ​ပေး​အရာရှိ မစ္စတာ အန်ဒီ​ဟောလ်က ​ပြောပါတယ်။

နေရပ်ပြန်ကြတဲ့ ​ အလုပ်သမား​လက်မှတ်ရှိသူ မြန်မာအလုပ်သမား​တွေဟာ ရီအန်ထရီ (Re-entry Visa) ​ခေါ် ထိုင်း​နိုင်ငံထဲ ပြန်ဝင်ခွင့်​ဗီဇာကို တပါတည်း​ ​လျှောက်ယူကြရတယ်လို့​ ​ပြောပါတယ်။

ဘန်​ ကောက်မြို့​ မြဘုရား​တခွင်နဲ့​ ဒွန်​မောင်း​လေဆိပ်​တွေကို ​ရေလုံး​ဝ လွှမ်း​သွား​ပြီလို့​ ဘန်​ကောက်ကပြန်လာတဲ့​ မြန်မာအလုပ်သမား​တွေက ​ပြောပါတယ်။

ထိုင်း​အစိုး​ ရက ​ရေလွှမ်း​မိုး​မှု​ကြောင့်​ လူ ၃၆၆ ဦး​ ​သေဆုံး​ပြီး​ ဒုက္ခ​ရောက်​နေသူ ၁၀ သန်း​ခန့်​ ရှိ​နေပြီလို့​ ဒီက​နေ့​ သတင်း​ထုတ်ပြန်ထား​ပါတယ်။

DVB သတင်းဌာနမှ ကူးယူဖော်ပြပါသည်။


ထောင်နှင့်ချီသည့် ဌာနေပြန် မြန်မာအလုပ်သမားများ အဖမ်းခံရ

ထောင်နှင့်ချီသည့် ဌာနေပြန် မြန်မာအလုပ်သမားများ အဖမ်းခံရ
အောက်တိုဘာလ ၂၄ရက်။ စောခါးစူးညား (ကေအိုင်စီ)

ထိုင်းနိုင်ငံအတွင်း ရေကြီးမှု ဆက်လက် ဖြစ်ပွားနေခြင်းကြောင့် ဘန်ကောက်မြို့ ရေလွှမ်းမိုးရာနယ်များမှ မြန်မာပြည်သို့ ပြန်ကြ သည့် မြန်မာအလုပ်သမားများ ထောင်နှင့်ချီ၍ ထိုင်းလူဝင်မှုကြီးကြပ်ရေးအဖွဲ့(လ၀က)၏ ဖမ်းဆီးခြင်းကို ခံခဲ့ကြရသည်။

လက်ရှိ မဲဆောက်မြို့တွင် အဖမ်းခံနေရသည့် ဘန်ကောက်မှ မြန်မာအလုပ်သမားဖြစ်သူ စောဖိုးချောက “အခု တောမောရုံး (ထိုင်းလ၀ကရုံး)မှာ အဖမ်းခံရတဲ့သူ တစ်ထောင်ကျော်ရှိမယ်။ အားလုံးဟာ နိုင်ငံကူးလက်မှတ် (Passport)မရှိသူချည်းပဲ။”ဟု ကေအိုင်စီသို့ ပြောသည်။

၎င်းအနေဖြင့် အဖမ်းခံရသူများ စာရင်းတွင် နံပါတ် ၇၀၀ကျော်ဖြစ်ပြီး နောက်ပိုင်း နံပါတ်စဉ်များစွာ ကျန်နေသေးကြောင်းနှင့် ထို အထဲတွင် ကိုယ်ဝန်ဆောင် အမျိုးသမီးအချို့လည်း ပါဝင်သည်ဟု သူက ပြောပြသည်။

ယခု ထိုင်းလူဝင်မှုကြီးကြပ်ရေး တာဝန်ရှိသူများ၏ ဖမ်းဆီးခြင်းကိုခံရသူ မြန်မာများမှာ ထိုင်းနိုင်ငံတွင်း အလုပ်လုပ်ကိုင်ခွင့် လက်မှတ်(ဘတ်)များ ရှိသော်လည်း နိုင်ငံကူးလက်မှတ် မရှိသူများဖြစ်သည်ဟု သိရသည်။

အဖမ်းခံရသူများကို ထိုင်းလ၀က တာဝန်ခံများက ထိုင်း-မြန်မာနယ်စပ် မဲဆောက်-မြ၀တီ ချစ်ကြည်ရေးတံတားထိပ် မြန်မာ ပြည်ဘက်ခြမ်းရှိ နယ်ခြားစောင့်တပ်-BGF ဂိတ်သို့ ပို့ဆောင်သည်။ ထိုဂိတ်သို့ ပို့ဆောင်ခံရသူများကို BGF က တစ်ဦးလျှင် ထိုင်းဘတ်ငွေ ၂,၀၀၀မှ ၂,၅၀၀အထိ ဒဏ်ငွေသဘောမျိုး ကောက်ခံလျှက်ရှိကြောင်းလည်း BGF ဂိတ်သို့ ပြန်လည် ရောက်ရှိ သွားသည့် မြန်မာအလုပ်သမား အမျိုးသမီးတစ်ဦးက ပြောသည်။

သူမက “ဘန်ကောက်ကနေ မဲဆောက်ကို လိုင်းကားနဲ့ဆို ဘတ်ငါးရာကျော်ပဲ ကုန်တယ်။ တောမောက ဖမ်းတော့ ဒုက္ခရောက် ကြတော့တာပဲ။ လမ်းစရိတ် မလောက်တဲ့သူအတွက်တော့ အဆိုးဆုံးပဲ။ နောက် ကျမတို့ကို ပြန်လာသွန်တော့လည်း တော မောကို တစ်ယောက် ဘတ် ၈၀ ပေးခဲ့ရသေးတယ်။”ဟု ပြောသည်။

ငွေကြေးတတ်နိုင်သည့် အချို့မြန်မာအလုပ်သမားများသည် ကယ်ရီမှတဆင့် လူတစ်ဦးလျှင် ဘတ် ၄,၅၀၀မှ ၅,၀၀၀အထိ ပေး စေပြီး ကရင်ပြည်နယ် ဖားအံနှင့် မွန်ပြည်နယ် သထုံ၊ ဘီးလင်းမြို့များသို့ အရောက်ပို့ဆောင်ပေးသည်ဟု ၎င်းက ဆက်ပြော သည်။

ဘန်ကောက်မြို့ ရေကြီးမှုကြောင့် မြန်မာနိုင်ငံတွင်းရှိ ဒေသအသီးသီးမှ မိဘဆွေမျိုးများက စိုးရိမ်ပူပန်နေကြပြီး မိမိတို့၏ သား သမီး၊ မိသားစုဝင်များကို နေရပ်ပြန်လာကြရန် ဆက်သွယ်ခေါ်ယူလျှက်ရှိသည်။

မဲဆောက်မြို့အ၀င်၌ ထိုင်းလ၀ကအဖွဲ့က ယခုရက်ပိုင်းအတွင်း ဘန်ကောက်မှ နေရပ်ပြန်မည့် မြန်မာအလုပ်သမားများကို ဖမ်း ဆီးလျှက်ရှိရာ ယနေ့မှာ လူဦးရေ အများဆုံး ဖြစ်သည်။

ထိုင်းနိုင်ငံရှိ ခရိုင် ၇၇ခုအနက် ၆၁ခုမှာ ရေကြီးမှုဒဏ်ခံနေရပြီး လူဦးရေ ၈၂သိန်းကျော် ရေဘေးဒုက္ခနှင့် ရင်ဆိုင်နေရကာ သေဆုံးသူမှာ ၃၅၀ဦးကျော်ရှိပြီဟု သတင်းဌာနများက ထုတ်လွှင့်ဖော်ပြနေကြသည်။


KIC သတင်းဌာနမှ ကူးယူဖော်ပြပါသည်၊

ထိုင်းရေဘေးဒုက္ခ မြန်မာတွေလည်း ကြုံရ

ထိုင်းနိုင်ငံအနှံ့ ရေကြီးမှုကြောင့် အနည်းဆုံး လူ ၂၆၀ ကျော် သေဆုံး၍ ၆ ဦး ပျောက်ဆုံးနေပြီး မြန်မာနိုင်ငံသားများ အပါ အ၀င် ဒေသခံ ၂ သန်းကျော် ရေဘေးဒုက္ခ ကြုံတွေ့နေရကြောင်း မကြာခင် ရက်ပိုင်းက ထိုင်းသတင်းများတွင် ဖော် ပြထားသည်။

ထိုင်းမြို့ဟောင်း အယုဒ္ဓယ ရေကြီးသည့် မြင်ကွင်း (ဓာတ်ပုံ - Getty Images)

ထိုင်းနိုင်ငံတွင် စုစုပေါင်း ရေလှောင်တမံ ၃၃ ခုရှိသည့်အနက် တချို့ ရေလှောင်တမံများမှ ရေဖွင့်ချခဲ့မှုကြောင့် ရေလွှမ်းမှု ဖြစ်ကာ ဆူခိုထိုင်း၊ ဖိကျစ်၊ နခွန်စ၀မ်၊ ဥထိုင်းဌာနီ၊ ချိုင်န၊ ဆင်ဘူရီ၊ အန်ထောင်း၊ အယုဒ္ဓယ၊ လွတ်ဘူရီ၊ ဆလာဘူရီ၊ ဆူဖန် ဘူရီ၊ ပထုံဌာနီ စသည့် မြို့နယ်များတွင် ရေလွှမ်းမှုများ ဆက်လက် ဖြစ်ပွားနေကြောင်း သိရသည်။

ရေဘေးဒုက္ခသည်များ အတွက် ဘန်ကောက်မြို့တွင် ယာယီ စခန်းများ ဖွင့်လှစ်ရန် ထိုင်းအာဏာပိုင်များက စီစဉ်ထားကြောင်း ထိုင်းသတင်းများက ဆိုသည်။

ထိုင်းနိုင်ငံ၏ မြို့ဟောင်းဖြစ်သည့် အယုဒ္ဓယမြို့တွင် ရေလွှမ်းမှု အဆိုးရွာဆုံး ကြုံတွေ့နေရပြီး ယင်းဒေသ အလုပ်ရုံများရှိ မြန် မာ ရွှေ့ပြောင်း အလုပ်သမားများလည်း ရေဘေးဒုက္ခ ကြုံတွေ့နိုင်သည်ဟု မြန်မာနိုင်ငံ ဒီမိုကရေစီ ရရှိရေး ထိုင်း လှုပ်ရှားမှု ကော်မတီ (TACDB) မှ လက်ထောက် ဒါရိုက်တာ ဦးမြင့်ဝေက ဧရာဝတီသို့ ပြောသည်။

“အဲဒီက အလုပ်သမားတွေ ဒုက္ခတွေ့နိုင်တာပေါ့။ စိတ်ဓာတ် ရေးရာအရ အားပေးမှုကတော့ အပြည့်အ၀ လိုအပ်တယ်။ ကျနော်တို့ကလည်း ဘယ်က စလုပ်ရမလဲ မသိဘူး ဖြစ်နေတယ်” ဟု ၎င်းက ဆိုသည်။

TACDBက ဦးဆောင်၍ ရေဘေး ဒုက္ခသည် ထိုင်းနှင့် မြန်မာနိုင်ငံသားများကို ကူညီနိုင်ရန်အတွက် ဘန်ကောက်မြို့တွင် အလှူငွေများ မကြာခင်ရက်ပိုင်းက စတင်ကောက်ခံနေရာ ဘတ် ၄၀၀၀ ကျော် (ကျပ် ၁ သိန်းခန့်) ရရှိထားကြောင်း ဦးမြင့်ဝေ က ဆက်ပြောသည်။

အယုဒ္ဓယ မြို့နယ်အတွင်း ခန့်မှန်ခြေ မြန်မာအလုပ်သမား ၁ သောင်း ၀န်ကျင်ရှိကြောင်း သိရသည်။

အလားတူပင် ပထုံဌာနီဒေသရှိ စက်ရုံများတွင် အလုပ်လုပ်ကိုင်နေကြသည့် မြန်မာ အလုပ်သမားများလည်း ရေဘေးဒုက္ခ ကြုံနေရကြောင်း သိရသည်။

ထိုဒေသရှိ အလုပ်သမား တဦးက “တချို့ သူငယ်ချင်တွေဆိုရင် ရေမြုပ်တော့ တခြား သူငယ်ချင်းတွေရဲ့ အခန်းမှာ သွားနေကြ ရတယ်” ဟု ပြောသည်။

တချို့သော မြန်မာ အလုပ်သမားများသည် ၎င်းတို့၏ စက်ရုံထဲသို့ ရေမ၀င်နိုင်စေရန် သဲအိတ်များ ချထားခြင်းဖြင့် ကြိုတင် ပြင်ဆင်နေကြောင်း ၎င်းက ဆိုသည်။

ယခုလ ၁၅ နေ့မှ ၂၀ ရက်နေ့ အတွင်း ဘန်ကောက်မြို့ပေါ် တွင် ရေကြီးမှုများ ဖြစ်ပွားလာနိုင်သည်ဟု ထိုင်းအာဏာပိုင်များက အသိပေးထားကြောင်း သိရသည်။

ထိုင်းနိုင်ငံတွင် အလုပ်လုပ်နေသည့် မြန်မာအလုပ်သမား ၂ သန်းခွဲမှ ၄ သန်းအထိ ရှိနိုင်ကြောင်း အလုပ်သမားအရေး ဆောင် ရွက်နေသော အဖွဲ့ အစည်းများက ခန့်မှန်းထားသည်။

ဧရာဝတီသတင်းဌာနမှ ကူးယူဖော်ပြပါသည်